محمد سامي: لو ربنا نصرك أوعى تتغر
قال المخرج محمد سامي، إن الشخص إذا حدثت له أزمة وشمت به الناس يجب إلا يلتفت إلى ذلك، لأن الله سينصره لأنه العدل، موضحا أن الشخص لا يجب أن يتكبر بعد نصر الله ولا يسعى للانتقام من الشامتين به.
كتب “سامي” عبر حسابه الرسمي على موقع الصور والفيديوهات “إنستجرام“: “ماتخافش إنك تجرب وتقول لحسن أقع، لأن نصر الله ليك هيقومك تاني ويخليك تلمس السحاب لو أراد ماتهتمش لو حصلك في يوم أزمة ولقيت ناس بتشمت فيك، لأن ده بيخلي ربنا يبقى حليفك وينصرك عشان هو العدل، المهم إنه بعد نصره ليك أوعى تتغر وتكون شايل في قلبك كراهية وانتقام تجاه الناس وحتى الناس اللي حاربوك أو شمتوا فيك، بالعكس خلي قلبك مليان محبة وخير عشان ربنا ينصرك تاني وتالت ودايما”.
نرشح لك: شاهد.. حوار مؤثر وبكاء بين جعفر العمدة وشقيقه سيد
أشار: “الكراهية بتجيب فشل وعدم تیسیر ووقف حال، والمحبة بتجيب نجاح وتیسیر وخیر ورزق، اللهم اجعل قلوبنا عامرة بالمحبة والخير ونظف قلوبنا من الشر والانتقام، يا رب حقق لكل واحد بيحلم حلمه وطموحه ومتخليش حد يعيش في كرب بسبب عدم تحقيقه لما يتمنى، يا رب ارزق كل الناس ونجح كل زمايلي وارزقهم التيسير والقبول”.
View this post on Instagram
الجدير بالذكر أن المخرج محمد سامي شارك في السباق الرمضاني بـمسلسل” جعفر العمدة” ، وهو من بطولة محمد رمضان، زينة، هالة صدقي، إيمان العاصي، مي كساب، أحمد داش، فريدة سيف النصر، طارق الدسوقي، وعصام السقا، ومنة فضالي، وعدد آخر من الفنانين، وتأليف مهاب طارق ومحمد سامي، وإخراج محمد سامي.