عائشة بن أحمد: كنت خايفة في الأول من "مذكرات زوج"
قالت الفنانة عائشة بن أحمد، إنها كانت متخوفة من مسلسل “مذكرات زوج” في البداية ولكن المؤلف محمد سليمان عبد المالك أقنعها بتقديم الشخصية.
أضافت “عائشة” خلال لقائه مع “ET بالعربي“: “أنا كنت خايفة في الأول من (مذكرات زوج) لكن المؤلف محمد سليمان عبد المالك هو اللي اقنعني، واللي طمني إني مش داخلة أعمل كوميدي أو أهزر، المسلسل مش كوميدي صريح”.
نرشح لك: حنان تتعرض لإصابة قوية.. تفاصيل الحلقة السابعة من “تحت الوصاية”
أشارت: “الناس في الأول ماكنوش طايقين شيرين، بعد كده الستات ابتدت تتعاطف معاها واللي هو إزاي بيعمل معاها كده حتى لو هي صعبة وتفاصيلها مش سهلة وكده، والأراء بقت نصين وكنت عارفة أن ده هيحصل، والأول لما الناس كانوا كارهينها كنت مبسوطة لأن كده أنا نجحت”.
أوضحت: “مشهد الطلاق، لما طارق طلق شيرين كان في تحول إني لا مش هعيط ومش هبين ضعفي أو صدمتي، ده الصعب لأن كل المشاعر من جوا”.
أردفت: “كنت قلقانة من تقديم رواية المسلسل في مسلسل قبل كده، ومكنتش عايزة أتفرج على المسلسل عشان متأثرش بالشخصيات والمود، تحديدا لما يبقى عمل ناجح فأنت لما تيجي تعمل عمل ناجح دي صعبة”.
مسلسل “مذكرات زوج”، بطولة طارق لطفي وعائشة بن أحمد وخالد الصاوي وسماء إبراهيم، حازم إيهاب، عمر الشناوي، إدوارد، سارة الشامي، جلا هشام.
المسلسل مأخوذ عن كتاب “مذكرات زوج” الصادر عام 1984 للكاتب أحمد بهجت، ويرصد بشكل ساخر يوميات زوج مقهور من زوجته المتسلطة حتى يتعرض للطرد منها ومن أجل البحث عن حل، اتجه للبحث عن طبيب نفسي يساعده في حل مشاكله الزوجية.