تامر حبيب: "لما أموت اعملوا حفلة كبيرة وشغلوا أغاني وارقصوا"
علق السيناريست تامر حبيب، على انتقاده بسبب حضوره حفل زفاف في الجونة يوم وفاة الفنان الكبير سمير غانم وتخلفه عن حضور الجنازة.
قال “حبيب” خلال حلوله ضيفا على برنامج “حبر سري” المذاع عبر قناة “القاهرة والناس” مع أسما إبراهيم: “الله يرحم سمير غانم لو كان العكس كان ممكن يعمل كده وكان بيموت في البهجة، وأنا كنت في فرح في الجونة وللأسف الشديد كنت هحضر الصبح الجنازة وأرجع على الفرح بالليل”.
وجه رسالة قائلا: “كتبت وأكرر كلامي يوم لما أموت اللي بيحبوني كلهم يعملوا حفلة كبيرة على سيرتي ويشغلوا الأغاني اللي بحبها ويفتكروا المواقف اللي ضحك ويرقصوا ويتبسطوا وهكون أكثر واحد مبسوط في الدنيا”.
تابع: “فكرة إني روحت الفرح مش معناه إني متوجعتش على فراق سمير غانم وكان في علاقة بينا علاقة حب شديدة، وكان صديقي ونلت شرف إني اشتغل معاه في شربات لوز، وأنا عارف أنه مش مضايق وأي حد تاني يولع وأولاده مش زعلانين”.