عنبة: يسرا وش الخير عليا
عنبة
تحدث مطرب المهرجانات عنبة، عن مشاركته في مسلسل” 1000 حمد الله ع السلامة”، بطولة الفنانة يسرا، موضحا أنه كان ينتظر فرصة التمثيل، لافتا إلى أن التمثيل أمام صعب على أي فنان، ولكنها مريحة في العمل.
أضاف “بويكا” خلال لقائه في “ET بالعربي”: “الوقوف قدام يسرا صعب على أي حد حتى لو نجم، بس هي إنسانة مفيش أجمل منها ومريحة، ومصعبتش أي حاجة علينا.. وقولت لها أنا مستني اليوم اللي هييجي وأقولك فيه أنتي وش الخير عليا بس أنتي وش الخير من دلوقتي، قالت لي أنت تلقائي وجميل وبكرة ربنا هيكرمك أكتر”.
نرشح لك: آدم الشرقاوي: يسرا أهم أسباب مشاركتي في “1000 حمدالله ع السلامة”
أشار: “أنا مستعد للحظة دي بقالي كتير، كان نفسي أمثل، والحمد لله جت لي الفرصة اللي أي حد بيتمناها.. أنا من منطقة شعبية وخدت دور المفروض أنه يبقى فاهم في الأصول والجدعنة، وأنا جدع في الحقيقة يا جماعة والله، أنا كنت بشتغل على رجلي 12 ساعة عشان أخد 50 جنيه في اليوم، وفاهم الشارع فيه إيه”.
أما عن تعاونه مع الفنانة مايان السيد قال: “مايان السيد جميلة وشاطرة جدا، طريقة كلامها في المسلسل ألذ حاجة حصلت، وأنا عملت رد الفعل الطبيعي لواحد من منطقة شعبية بيقابل حد جاي من برا”.
المسلسل اجتماعي كوميدي عن الدكتورة سميحة السويسي، دكتورة الإعلام المهاجرة إلى كندا منذ 22 عاما مع زوجها جلال وأبنائها سامح وسماح، وتبدأ الأحداث برجوع البطلة مع أبنائها بعد وفاة زوجها إلى مصر للبحث عن حماتها بعد وصية زوجها.