زينة: أبو أولادي راجل محترم ومتكفل بولاده والداخل بيننا خارج
أكدت الفنانة زينة، أن مشكلتها الأخيرة هي مشكلة شخصية، وأصبحت أكبر وتتداول بشكل كبير لأنهما شخصيات مشهورة، والجمهور تدخل في المشكلة، منوهة بأنه لا يصح أن يتدخل أحد في هذه المشكلة التي بينهما.
أضافت “زينة”، خلال حوارها مع الإعلامية أسما إبراهيم، في برنامج “حبر سري“، المُذاع عبر شاشة “القاهرة والناس”: “دي مشكلة شخصية بيني وبينه، المشكلة كبرت لأن إحنا معروفين، حتى الجمهور دخل فيها، فمحدش ليه أن هو يتدخل أو يتكلم، في الآخر أنا وهو فيه بينا ولاد، وأي حد داخل بينا فهو خارج في الآخر، لأن هيلف الزمن والمواقف وأنا لو وقعت في أزمة أكيد هو هييجي، مش علشاني أنا، علشان خاطر ولاده، وأنا لو لقيته في أزمة أنا أول واحدة هجري عليه”.
تابعت: “هو راجل كويس جدا ومحترم ومتكفل بولاده وكويس مع ولاده جدا، فننهي الموضوع ده ومنتكلمش فيه تاني، لأن أنا زهقت وكل الناس زهقت، موضوع شخصي يا جماعة عيب، الموضوع خلص انتهى، هو كويس وأنا كويسة الحمد لله ملكوش دعوة بينا محدش يجيب سيرة الموضوع”.
استكملت: “واللي بيقول رأيه يروح يقول رأيه في حياته، كل واحد حياته خربانة ميجيش يتدخل في حياتنا إحنا حتى لو الموضوع بقى بيقولوا رأي عام، خلاص، الكلام ده لكل الناس اللي ضد واللي مع، مش عايزين حد يتدخل، ولا هو عايز يدخل حد في حياته ولا أنا عايزة حد يتدخل في حياتي ومتدخلوش في مشكلة متخصكوش وملكوش إن أنتوا تتكلموا لأن أنتوا ماتعرفوش حاجة”.
اختتمت: “أنا مصدرتش حاجة للإعلام ولا هو الحقيقة، هو الإعلام تدخل في الموضوع وبدأ الناس تتدخل، أنتوا مين بجد؟ بس اخرسي أنتي وهي وهو، محدش ليه دعوة بينا إحنا حرين، ناكل بعض، هنتصالح، نقطع بعض، في بينا ولاد، محدش ليه دعوة، هو راجل محترم وأنا ست محترمة محدش يتدخل في حياتنا ومحدش يقول رأيه”.
