بعد انتهاء عرض "جت سليمة".. دنيا سمير غانم تشكر هؤلاء
بعد اتنهاء عرض حلقات مسلسل “جت سليمة” قدمت الفنانة دنيا سمير غانم الشكر لكل صناع العمل وضيوف الشرف وكل من ساعدها في المسلسل، مضيفة: “مشروع كبير تعبنا فيه جداً عشان نقدر نعمل حاجة تسعدكم”.
كتبت “غانم” عبر صفحتها الرسمية على “إنستجرام”: “شكراً للمنتج محمد أحمد السبكي الشاطر جدااللي مش بيسيب ولا تفصيلة صغيرة غير لما يكون مطمن أنها متنفذة علي أكمل وجه شكرا علي مجهودك الكبير و اهتمامك”.
نرشح لك: انكشاف سر الكتاب وعودة سليمة للواقع.. ملخص الحلقة 15 من “جت سليمة”
أضافت :”شكراً المنتج الكبير (الأب) أحمد السبكي اللي بيحب الفن حب غير عادي و نفسه دايما انه يقدم أعمال تعجب الناس.. شكرا لـ كريم و خالد السبكي..ربنا يخليكوا لبعض.. وشكرا محمد سلام اللي فعلا بستمتع وانا بمثل معاه لأن تمثيله و إفيهاته و إحساسه out of the box))وأعتقد بيبان عليا كل مرة بنشتغل مع بعض”.
استكملت: “شكرا استاذ خالد الصاوي الجامد أكتر ممثل عنده ضمير في الدنيا و تفاني في العمل غير طبيعي.. أنا فعلا بتفرج عليك و بتعلم و بسرح في أدائك العبقري اللي فيه الجد ممزوج بالهزار بدرجة مظبوطة جدا.. شكرا أ. سامي مغاوري الفنان القدير السهل الممتنع اللي وجوده بيضيف إضافة غير طبيعية.. ربنا يديك الصحة”.
تابعت: “شكرا مايان السيد الموهوبه جدا البسكوتة المجتهدة اللي تدخل القلب في سواني، عندك قبول فظيع ما شاء الله و ذكاء في التمثيل بيخليكي مميزة جدا و انا شخصيًا حبيتك أكتر لما اشتغلت معاكي ربنا يوفقك يا حبيبتي”.
كما وجهت الشكر للفنان بيومي فؤاد، كاتبة: “شكرا للفنان الكبير اللي انا بعشقه و ماقدرش اكون في عمل هو مش فيه.. بيومي فؤاد انت أضافتلنا الكوميديا بتاعتك اللي ماحدش بيعرف يعملها غيرك.. عملتلنا نعنشة في المسلسل”.
View this post on Instagram
مسلسل “جت سليمة” بطولة دنيا سمير غانم، شيرين، محمد ثروت، سامي مغاوري، محمد سلام، سلطان، من تأليف كريم يوسف، وسامح جمال، ومن إخراج إسلام خيري، وإنتاج السبكي للإنتاج الفني، والمتحدة للخدمات الإعلامية.
يتكون مسلسل “جت سليمة” من 15 حلقة، وهو عبارة عن مسلسل كوميدي يتعلم الكبار طرق التعامل مع أطفالهم من خلال علاقة نور بوالديها، ونور هي فتاة شابة في أواخر العشرينات تعمل محررة في دار نشر لحبها الشديد للقراءة والكتب.