شيكو يكشف تفاصيل شخصيته في فيلم "ابن الحاج أحمد"
كشف الفنان شيكو، عن تفاصيل شخصيته في فيلم “ابن الحاج أحمد” والذي يتم عرضه حاليا بجميع دور العرض، موضحا أنه شخصية كسولة وغير راض عن حياته.
أضاف “شيكو” خلال لقائه مع “ET بالعربي“: “هو شخص كسول أوي، وعايش اللحظة ودور مش دوره هو في الآخر إنسان بسيط ابن راجل بسيط، بقال، بس مش عاجبه الحياة دي لحد ما بيصتدم بحقيقة ابوه أنه فاكره راجل بسيط وطلع مش بسيط خالص”.
نرشح لك: 1 مايو.. أول حفل غنائي لفريق باك ستريت
أما عن المنافسة بين الأفلام التي تم طرحها في عيد الفطر قال “شيكو”: “طبعا مش بنافس محمد رمضان لأن الفيلم بتاعه مختلف، وفيلم 13 يوم كمان ده فيلم رعب 3D، المنافسة الحقيقية أنا وعلي ربيع”.
وعن علاقته بالفنان هشام ماجد أوضح: “أنا أول مرة أعمل حاجة من غير هشام، حتى في التحضير بتاع الفيلم ودي حاجة بالنسبة لي غريبة وجديدة عليا، وطبعا مسؤولية كبيرة بس الحمد لله الناس مبسوطة.. في حاجات لذيذة أن الناس تشوفنا مع بعض زي (اللعبة)، وعندنا مشروع فيلم تاني وده لا يمنع أن ممكن حد يشتغل لوحده ونرجع نشتغل مع بعض”.
أشار: “أنا وهشام زي الفل ومفترقناش وعندنا مشروع مع بعض إحنا الاتنين، اللي بتجيله حاجة عايز يعملها ومينفعش إحنا الاتنين نبقى في نفس المكان بيعملها عادي، وهنفضل نشتغل مع بعض هشام صديق عمري السنة دي إحنا 26 سنة مع بعض أكتر من نص عمري وهشام معايا”.
أردف: شيكو: “مسلسل (اللعبة) أصعب حاجة بنعملها في حياتنا، الموسم بيخلص وبنبدأ في كتابة الموسم اللي بعده على طول، بس الموضوع صعب لأننا عاملين 90 حلقة قبل كده واللعبة أصلا معتمد على تحديات، إحنا عاملين حوالي 45 تحدي، بالنسبة لنا إننا نجيب أفكار جديدة حاجة بتاخد مننا مجهود كبير أوي اللعبة بيتكتب تقريبا في 9 شهور”.
