ماجد المصري: شغلانة التمثيل صعبة

قال الفنان ماجد المصري، إن مهنة التمثيل لها العديد من المشكلات منها المشكلات الصحية، فهي مهنة مرهقة جدا، موضحا أنها تؤثر على علاقته بأسرته.

أضاف “المصري” خلال لقائه مع الإعلامية إيمان الحصري في برنامج “مساء dmc” المذاع عبر شاشة “dmc”: “الواحد بيفتقد الأسرة والأسرة بتفتقدني مبلحقش أقعد في بيتي مع ولادي ومراتي، دايما في الإجازات عندي شغل، كل دي سلبيات، الواحد بيحاول يرتب وقته، أنا السنة اللي فاتت مشوفتش الصيف ده خالص”.

نرشح لك: شاهد.. محمد رمضان يطرح أغنية “طوق نجاة” من فيلم “هارلي”

أشار: “في الآخر الواحد بيقول أنا عندي مسؤولية، أكيد البيت مسؤولية ومراتي ووالدي ليهم حق عليا بس بقول أشتغل، شغلي وأكل عيشي وفي نفس الوقت الواخد بيحاول يسجل حاجة في تاريخه”.

أوضح: “إحنا بنشتغل عدد ساعات لا تتخيليها، الشغلانة بتاعتنا صعبة بشكل لا تتخيليه، إحنا بنام بالعافية وأوقات بناخد منوم عشان لازم ننام عشان هنصحى بدري، باخد حاجات، إحنا ساعات بنوصل لـ 18 ساعة بنشنغل واقفين على رجلينا، الموضوع يعني مش تمثيل يعني ميكب آب والأستاذ النجم جه، لا الشغلانة صعبة جدا، الواحد ساعات بيبقى مش شايف”.