طارق النهري: محمد سامي كان بيشتغل والمحاليل في إيده
قال الفنان طارق النهري، إن كواليس مسلسل “جعفر العمدة” كانت تتميز بحالة من الحب، موضحا أن الفنان محمد رمضان يتفاعل ويتعامل مع جميع طاقم العمل بحب شديد.
أضاف “النهري” خلال لقائه مع الإعلامية شافكي المنيري في برنامج “التاسعة” المذاع عبر شاشة “الأولى المصرية”: “محمد رمضان إنسان بمعنى الكلمة وراقي جدا في تعامله كفنان ومخلص للعمل وبيجتهد أنه يوصل لمراحل النجاح من وهو في اللوكيشن”.
نرشح لك: جوري بكر عن مشهد الفرح في “جعفر العمدة”: كنت مرعوبة أسلم على هالة صدقي
أشار: “محمد سامي عمل جو من الحب على المكان بخفة دمه وهزاره وساعة الجد بيبقى فظيع، في لحظات كان بيشتغل والمحاليل متعلقة في إيده وبيبقى بيموت، وبرضو مصر يشتغل وبيبذل المجهود مضاعف عشان يطلع العمل بهذه النتيجة”.
أوضح: “الناس بتناديني في الشارع حمادة فتح الله، واللي يقولي مش تربي ولادك، واللي يقولي عايز شوية دهب من اللي كانوا عندك، الشعب المصري بجماله وحبه للفن والفنانين، أنا لمست النجاح من الشارع مش الشاشة، ساعات كنت بدخل قهاوي أتفرج كأن ماتش كورة”.