شاهد.. طرق علاج اكتئاب ما بعد الإجازة
قال الدكتور رأفت شحاتة، خبير التنمية البشرية، إن هناك مشكلة تدعى اكتئاب ما بعد الإجازة، وهي مرتبطة بأحد هرمونات السعادة وهو الدوبامين، موضحا أن هذا الهرمون يرتفع أثناء وقبل فترة السعادة وينخفض في نهاية الفترة.
أضاف “شحاتة” خلال لقائه في برنامج “8 الصبح” المذاع عبر شاشة “dmc“: “مشكلتنا في الشغل هي فكرة الروتين أنا كل يوم بصحى الساعة 6 وأنزل الشغل، طبيعة الإجازة هي كسر الروتين، إحنا من يوم التلات بليل الدوبامين بدأ يقل جدا، عشان نرفع الدوبامين تاني عندنا شوية حاجات مهمة، يفضل قبل ما تطلعي الإجازة تخلصي أكبر قدر من الحاجات اللي وراكي عشان لما ترجعي الشغل تبقى الحاجات اللي عليكي قليلة”.
نرشح لك: مواعيد الصلاة بالتوقيت الصيفي
أشار: “بعض الناس قبل الإجازة بيفضل يأجل حاجات كتير جدا، حاول تخلص على قد ما تقدر قبل ما تطلع الإجازة، في مبدأ في الطب النفسي اسمه التدرج مينفعش يبقى بقالك أسبوع مبتعملش حاجة خالص، وتيجي فجأة تشتغل 10 ساعات أو 8 ساعات”.
أردف: “ولو أنا مثلا في الساحل أو مكان ما والإجازة هتخلص التلات مينفعش أرجع التلات بليل وأنا نازل الشغل الأربع الصبح، المفروض أرجع قبل نهاية الإجازة بيوم، وأنا بدري يوم التلات عشان أقدر أقوم مستعد، ودلع نفسك أول أسبوع في الإجازة قدر الإمكان”.