جوري بكر: اسمي الحقيقي شيماء

كشفت الفنانة جوري بكر أن اسمها الحقيقي هو شيماء، وجوري اسم ابنة صديقتها وهي تحبها، وأعجبها الاسم فقررت أن تجعله اسما للشهرة.

تابعت “بكر” خلال لقائها في برنامج “اسألني” على CBC، أن زوجها يناديها بـ شيماء إذا كان منزعجا منها فقط، مضيفة: “أكتر حاجة بحبها في جوزي أن هو متفاهم وقلبه طيب، عنده عادات وتقاليد هو محتفظ بيها وأي راجل بيتعصب بس لما بيتعصب بيهدى بطريقة لطيفة جدا”.

نرشح لك: جوري بكر عن مشهد الفرح في “جعفر العمدة”: كنت مرعوبة أسلم على هالة صدقي

استكملت: “ضربت كام حقنة فيلر؟ هو مين مابيضربش فيلر؟ بس أنا عملتها مرة في حياتي ومن ساعتها معملتهاش تاني، هو الموضوع رباني يعني”.

أردفت: “أنا الحمد لله مبسوطة بالنعمة اللي ربنا ادهالي، أنا مش بعدل خلقة ربنا أو خلقتي.. فيه ناس لتقعد تحطلي صور قديمة من أيام ما كنت عيلة صغيرة، أكيد طبعا كان شكلي تماما مختلف، نقول مثلا إن إحنا كلنا مكنش عندنا أي نوع من أنواع التواصل مع السوشيال ميديا ولا كنا بتعرف نلبس كويس ولا نحط ميكب آب ولا نحط فلاتر، فأنا كنت زمان عبيطة أوي في الحاجات دي لكن دلوقتي أنا حاباني بملامحي يعني، في ناس كتير كانت بتقولي أن مناخيرك محتاجة تتظبط شوية لأنها معوجة بس أنا شايفة إن هي تمام”.

ذكرت: “اكتشفت في محمد رمضان إن هو بيعيط بجد، ومشاهده حقيقية جدا، من كتر ما هي حقيقية إحنا كنا بنصدقه وبنعيط معاه في المشهد، كان المشهد بيبقى صعب”.

الجدير بالذكر أن آخر أعمال جوري بكر هو مسلسل جعفر العمدة، من بطولة محمد رمضان، زينة، هالة صدقي، إيمان العاصي، مي كساب، أحمد داش، فريدة سيف النصر، طارق الدسوقي، وعصام السقا، ومنة فضالي، وعدد آخر من الفنانين، وتأليف مهاب طارق ومحمد سامي، وإخراج محمد سامي.