رئيس الوزراء: مفيش حكومة زينا بتتحمل الأعباء دي في الظروف الراهنة
قال الدكتور مصطفى مدبولي، إن الدولة تتحمل الكثير من الأعباء، لدعم مجال الزراعة والصناعة.
أضاف “مدبولي” خلال جولة تفقدية لمدينة العاشر من رمضان: “رفعنا حافز توريد الإردب من القمح إلى 1250 جنيه إلى 1500 جنيه يعني زيادة 200 جنيه على الإردب، يعني على الطن 1675 جنيه زودناها للفلاح، يعني لو هاخد من الفلاحين 4 ملايين طن، ده لوحده 6.7 مليار جنيه زيادة، دي مكانتش موجودة في الموازنة، لكن كحرص للفلاح المصري إنه يورد للدولة”.
نرشح لك: رئيس الوزراء: تخصيص 30 مليار جنيه لدعم الصادرات
أردف: “في فرق عام واحد رفعنا سعر أردب القمح من 810 لـ 1500 جنيه لدعم الفلاح، وفي نفس الوقت اللي برفع فيه للفلاح هو نفسه بياخد الخبز المدعم، يعني بكسبه بأيده الرقم ده كله، لكن كدولة مزودناش رغيف الخبز، معنى ده أيه؟ إن كل ده الدولة بتتحمله، الدولة بتشيل عبء كبير على المواطنين، وبقولها بكل صراحة مفيش حكومات تانية بتشيل هذه الأعباء في هذه المرحلة، في ظروف دولة زي مصر”.
تابع: “تابعوا وشوفوا المظاهرات اللي بتطلع في دول تانية وغنية، على إن الحكومات بتاعتهم بترفض إنها تعمل إضافات تستوعب الزيادات اللي بتحصل، كله بيتحمل على المواطن في الآخر”.
