هل تزاحم الدولة المصرية القطاع الخاص؟ رئيس الوزراء يجيب
أكد الدكتور مصطفى مدبولي، رئيس الوزراء، أن الدولة لا تزاحم القطاع الخاص في المشاريع والاستثمار، وكان تدخل الدولة في الفترة الماضية، محاولة منها لإعادة عجلة الاستثمار والاقتصاد.
قال “مدبولي” خلال جولة تفقدية للمصانع في مدينة العبور الجديدة: “عايز أرد على نقطة مهمة، وهي مزاحمة الدولة للقطاع الخاص، وهل الدولة فعلا جادة إنها تتيح الفرصة ليه ولا لأ؟”.
نرشح لك: رئيس الوزراء يكشف سبب عدم الإعلان عن أسماء شركات برنامج الطروحات
أوضح: “القطاع الخاص قطاع وطني، والدولة المصرية طول عمرها بتعتمد عليه في قيادة الاقتصاد، لغاية الظروف اللي مرت بمصر في 2011، ودي كانت النقطة الفارقة، لأن أي قطاع خاص بيبقى في خوف من التوسع بقوة في دولة محتاجة كل سنة مليون فرصة عمل جديدة، فالطبيعي كان أي قطاع خاص داخلي أو خارجي يبطئ عن الاستثمار في دولة الأوضاع فيها مش مستمرة”.
أضاف رئيس الوزراء: “كنا في 2013/2014 نسبة البطالة تجاوزت 13%، لو دولة كانت استمرت بنفس الطريقة دي، من غير ما تدخل بقوة باستثمارات ومشاريع تشغل الرقم ده، كان تجاوز الـ20% النهاردة، ماذا كان حال الدولة وقتها؟ فالهدف من المشروعات والبنية التحتية غير إنها كانت مطلوبة من 40 سنة فاتت ماتعملتش، فهي أيضًا وفرت ملايين من فرص العمل للشباب، اللي خلانا النهاردة في عز الأزمة العالمية آخر أرقام البطالة 7.2%”.
تابع: “الدولة لما دخلت دخلت عشان تعيد عجلة الاقتصاد مرة أخرى، والرئيس الأمريكي من شهر أعلن أن الحكومة الأمريكية ستتوسع في استثماراتها العامة، وهتركز في القطاعات اللي القطاع الخاص مش قادر يدخل فيها، وده اللي عملته الدولة المصرية عشان توقف الدولة على رجلها”.
أردف: “الدولة بتقولها بصراحة ووضوح، اتفضل معانا، خد شراكات واستحوذ على هذه المشروعات، واشتغل فيها بالكامل”.