ليس لها انتماءات إلا للوطن.. رئيس الوزراء يحيي القوات المسلحة

القوات المسلحة

وجه الدكتور مصطفى مدبولي، رئيس الوزراء، التحية، للقوات المسلحة، مؤكدًا أنها مؤسسة وطنية، ليس لديها أية انتماءات إلا للوطن.

قال “مدبولي” خلال جولته التفقدية لمصانع العاشر من رمضان ومنطقة العبور الجديدة، اليوم السبت: “أرجو إن إحنا نقف كمصريين وننظر لما ما يحدث حولنا، ونحمد الله على نعمة الاستقرار والأمن اللي احنا موجودين فيه، وعايز هنا أقف وأحيي قواتنا المسلحة.. هذه الدولة ربنا منعم عليها بالاستقرار والأمن بسبب هذه المؤسسة العظيمة العريقة الوطنية، اللي معندهاش أي مصلحة، ولا أي أهواء ولا انتماءات إلا الوطن”.

نرشح لك: رئيس الوزراء يكشف سبب عدم الإعلان عن أسماء شركات برنامج الطروحات

أضاف رئيس الوزراء: “واعتقد لو بصينا بردو حوالينا من غير ذكر أي أسماء إنه بجهود هذه المؤسسة مصر بتتجنب اضطرابات شديدة كان ممكن تبقى موجودة عندنا وأصعب بكتير من دولة فيها 100 مليون وأكتر فاحنا كلنا النهاردة لازم نبقى واخدين بالنا ومتيقظين تمامًا كمصريين إن أي نوع من النقد بغرض البناء متقبلينه، لكن التشكيك في الدولة ومؤسساتها لازم كلنا نتوقف عنه، ونسأل إيه الغرض من هذا الموضوع”.

تابع: “ونبص العالم كله إيه اللي بيحصل فيه، وإن احنا كدولة وبطلب من كل المصريين، إننا نركز على بناء الدولة المصرية والعمل والعمل، ده الشيء الوحيد اللي هيخرجنا من هذه الأزمة العالمية الكبيرة”.

استطرد قائلًا: “احنا دولة كبيرة، وقيادات أوروبا بتزور مصر، ومن يومين كان المستشار النمساوي والحديث الثنائي معاه، بيتكلم عن مشاكل بيوجهوها نفس نوعية المشاكل اللي بنواجهها في مصر”.

استطرد قائلًا: “في دول في أوروبا بقالها 30 سنة مزادوش شخص في عدد السكان، يعني مفيش ضغط على الحكومات، يعني مش مطلوب منه ينشء مدارس ومستشفيات جديدة ويوفر أكل وفرص عمل لملايين اللي بيخرجوا من كل سنة زي مصر، والموضوع زايد وبيتناقص وبيشتكوا من التناقص، وبيشتكوا من نفس المشاكل اللي بنعيشها في مصر، هدفنا كلنا استقرار هذه البلد وسلامته واستمرار نموه، لأن عملية التنمية شيء مهم جدا”.