نادية مصطفى لمنتقدي شيرين: ارحم تُرْحم
علقت المطربة نادية مصطفى، على هجوم البعض على الفنانة شيرين عبد الوهاب، وذلك عقب سقوطها على مسرح الحفل الذي أحيته في دبي.
كتبت “مصطفى” عبر حسابها الرسمي على موقع التواصل الاجتماعي “فيس بوك“: “مرة ماشية فى الشارع وبالنهار وقبل سفري بيوم لإحياء حفلة خارج مصر وقعت من حيث لا أدرى على وشى ودخلت المستشفى عملت الإسعافات الأولية وفضلت علامات زرقا فى وشى تقريبا أسبوع”.
تابعت: “ومرة كعب الشوز دخل في خشبة المسرح وكنت هقع.. ومرة حد ماشى ورايا داس على ديل فستاني ووقعت فعلاً.. وكتير بشوف ناس في الشارع ممكن يقعوا قدامى وساعتها بسمي عليه واحمد ربنا إنه لم يؤذى من وقعته “.
نرشح لك: شاهد.. لحظة سقوط شيرين عبد الوهاب على المسرح في حفل دبي
أوضحت: “ومرة المطرب محمد رشدى في حفلة وطنية وبسبب الإضاءة اللي على وجهه ماشافش نهاية خشبة المسرح وكاد أن يقع”.
أكدت: “كوكب الشرق وقعت على المسرح.. إليسا وقعت على المسرح.. هيفاء وهبى وقعت في الكواليس، عارضات أزياء ياما وقعوا وهما ماشيين بمنتهى الألالطة وقاموا بمنتهى الثبات.. مطربين أجانب كتير وقعوا على المسرح”.
اختتمت: “افتحوا اليوتيوب هتشوفوا ڤيديوهات من هذا النوع ومصنفه على إنها ڤيديوهات بتضحك ربنا يكفينا جميعاً شر الوقعة.. عادى ياجماعة حوادث عادية جداً ليه بنكبر المواضيع كلنا بنقع واللي بيقع قدامنا بنسمي عليه ونقوله حمد الله على السلامة مش نقوله أحسن، ارحم تُرْحم..ارحموا من فى الأرض يرحمكم من فى السماء”.
كان إيهاب صالح مدير أعمال الفنانة شيرين عبد الوهاب، قد طمأن الجمهور على صحتها، وذلك بعد سقوطها على المسرح بحفلها أمس في مدينة دبي.
كتب صالح على حسابه عبر موقع تويتر: “جمهور شيرين ، أنا دايما عارف انكم سند و ضهر ليها بس عمري م كنت أتخيل انكم بالحجم و العظمة دي بجد ما شاء الله”.
أضاف: “عايز اطمنكم إن شيرين بخير و خرجت من المستشفى بعد شوية فحوصات و إشاعات على رجليها بعد م تحاملت علي نفسها عشان تكمل الحفل بنجاح. شكرا بجد على كل الحب و الدعم ده”.
فرقتها على النهوض، لتعلق هي: “شوفوا كل فنان حصل معاه الموقف ده بسبب الاسبيكرز دي اللي المفروض تكون مدفونة، لكن للأسف المنظمين عمرهم ما بيتعلموا.. بس عادي ما يقع إلا الشاطر”.
أضافت نادية مصطفى: “السوشيال ميديا بكره هتسيب كل حاجة ويقولوا شوفوا شرين وقعت، المفروض لو أنا مأمنة على رجلي أخد من المنظمين كام بقى.. بس يلا معلش”
