شهيرة لمنتقدي شيرين: اللي بيحصل ده كتير
علقت الفنانة شهيرة، على هجوم البعض على الفنانة شيرين عبد الوهاب، وذلك عقب سقوطها على مسرح الحفل الذي أحيته في دبي.
كتبت “شهيرة” عبر حسابها الرسمي على موقع التواصل الاجتماعي “فيس بوك“: “شوفوا بقى أنا عمري ماتكلمت في أي وقت عن أزمة شيرين لأنها حاجة شخصية وندعيلها وخلاص ربنا يخرجها منها على خير.. لكن اضطريت اتحشر، لأن اللي بيحصل ده كتير”.
نرشح لك: نادية مصطفى لمنتقدي شيرين: ارحم تُرْحم
تابعت: “كلنا عارفين أزمتها والست بتحاول وتجاهد أن تخرج منها بأنها بتسترد نفسها وفنها وتاريخها الجميل اللي طالما أسعدتنا بيه فلا نقسوا عليها ولا نكسرها لمجرد أنها وقعت علي المسرح زيها زي كتير ونجيب القديم والجديد إيه يعني؟ بنتلكك ولا إيه.. شيرين في النهاية إنسانة تخطىء وتصيب”.
أوضحت: “وشيرين زي ما أنتوا عارفين من المطربات السوبر اللي يتعدوا على أصابع اليد الواحدة.. ولا نريد أن نخسرها هي تحتاج لجمهورها اللي بيحبها لا تحبوطها هي تريد المساندة وبتقولكم أنا رجعت أهو لحضنكم”.
اختتمت: “فلنمد لها يد الحب والعطاء فقد أعطتنا سنين طوال أمتعتنا فيها بفنها فلا نبخل عليها بيد الاحتواء والمساندة على فكرة عمري ماتقابلت أنا وشيرين شخصيا ولكنها مشاعر”.
كان إيهاب صالح مدير أعمال الفنانة شيرين عبد الوهاب، قد طمأن الجمهور على صحتها، وذلك بعد سقوطها على المسرح بحفلها أمس في مدينة دبي.
كتب صالح على حسابه عبر موقع تويتر: “جمهور شيرين ، أنا دايما عارف انكم سند و ضهر ليها بس عمري م كنت أتخيل انكم بالحجم و العظمة دي بجد ما شاء الله”.
أضاف: “عايز اطمنكم إن شيرين بخير و خرجت من المستشفى بعد شوية فحوصات و إشاعات على رجليها بعد م تحاملت علي نفسها عشان تكمل الحفل بنجاح. شكرا بجد على كل الحب و الدعم ده”.
ساعدها أفراد فرقتها على النهوض، لتعلق هي: “شوفوا كل فنان حصل معاه الموقف ده بسبب الاسبيكرز دي اللي المفروض تكون مدفونة، لكن للأسف المنظمين عمرهم ما بيتعلموا.. بس عادي ما يقع إلا الشاطر”.