طبيب: قلة عدد ساعات النوم أو زيادتها تسبب جلطات
نعى دكتور جمال شعبان، عميد معهد القلب الأسبق، الفنان الراحل مصطفى درويش الذي رحل عن عالمنا اليوم الاثنين، إثر أزمة قلبية، وكان قد أعلن عن مواجهته صعوبة في النوم قبل وفاته.
قال “شعبان” في مداخلة هاتفية في برنامج “كلمة أخيرة” المذاع على شاشة ON وتقدمه الإعلامية لميس الحديدي: “النوم أقل من 4 ساعات بالليل يعمل جلطة أو النوم أكتر من 9 ساعات متصلة يعمل جلطة”.
أوضح: “فهو خير الأمور الوسط، اللي متعود ينام 9,10 ساعات ورا بعض ده مشكلة، فلا تنام كتير أوي ولا قليل أوي، الناس اللي نومها في أرق دول عرضة لمشكلات القلب”.
من جانبه، كشف حاتم، شقيق مصطفى درويش، عن اللحظات الأخيرة في حياة الراحل، قائلا: “كان عنده أرق وفطر الصبح وطلع ينام قال أنا هطلع أنام اريح شوية.. بعد شوية نزل يجري على السلم مش قادر ياخد نفسه، وبس مفيش أي حاجة تانية خالص وهو كان صحته كويسة جدا، هي أزمة قلبية بس هو مكنش عنده قلب ولا حاجة”.
