وليد فواز: اتغريت بعد "السبع وصايا"

قال الفنان وليد فواز، إن الشخص قبل أن يصل إلى سن الأربعين يأخذه نزق الشباب ويكون متسرعا في قراراته، موضحا أنه لم يكن مهنيا ومرنا بشكل كافي مع متطلبات مهنة التمثيل.

أشار “فواز” خلال لقائه في برنامج “من مصر” المذاع عبر شاشة “CBC“: “أنا ممكن أكون اتغريت بعد (السبع وصايا) لازم أكون صريح مع نفسي، وفي الأول والآخر الإنسان لازم يبقى عارف أنها بميعاد من الله سبحانه وتعالى، أنا كنت بحسبها إنك بتعمل مجهود فلازم توصل لحاجة معينة، لكن لازم نؤمن أن في ترتيب رباني”.

نرشح لك: وليد فواز: دوري في “الكتيبة 101” حراق

أضاف: “مهم جدا إنك تسوق نفسك وأنا مؤخرا بحاول أصلح الغلط اللي غلطته قبل كده، إني مكنتش مهتم بالسوشيال ميديا، ولا كنت مهتم إني أطلع في برامج وأعرف الناس بشخصيتي وأفكاري، فبحاول أصلح كل الأخطاء اللي أنا مسؤول عنها”.

أوضح: “ما على الإنسان إلا السعي، لازم نسعى ونعمل اللي علينا وناخد بالأسباب، لمن النتيجة النهائية بتبقى في قوة أعلى منك، ممكن نسميها القوة القدرية أو النصيب، أنا بالنسبة لي ربنا إذا قال كن فيكون”.