زوجي بخيل وبيضربني ويذلني.. داعية ينصح زوجة بالصبر على إهانة زوجها
رد الشيخ محمد نجيب، على سؤال سيدة تقول فيه: “أنا زوجة مظلومة من زوجي، بخل وضرب وذل وإهانة، حتى العيال مبيصرفش عليهم، بيديهم جنيه مصروف، وبيجيب لهم هدوم العيد بالعافية وكل يوم ضرب وإهانة وذل ومش عارفة أعمل إيه أنا تعبت، أنا بقالي 11 سنة صابرة عشان عيالي وإني عايزة أعيش بس مش عارفة أعيش معاه”.
قال “نجيب” خلال لقائه في برنامج “الحياة حلوة”، المذاع عبر شاشة “الحدث اليوم“: “11 سنة صابرة وبتكيفي حياتك حضرتك خدتي مضاد حيوي قوي ضد هذا الميكروب فاكملي على بركة الله، وكل يوم هو في شأن، يصبح الرجل كافرا ويمسي مؤمنا، ويصبح مؤمنا ويمسي كافرا”.
أشار: “دايما الإنسان بدال ما يلجأ للحلول السهلة والانفصال، يلجأ إلى سبحانه وتعالى، اسألي ربنا سبحانه وتعالى في ركوعك وسجودك أنه يهديه وإن ينزل عليه الكرم والجود”.
أردف: “ليه إحنا على طول يا ندعي على الناس يا إما نستسهل الأمور ونفك وننفصل، صبرتي 11 سنة فعندك طاقة، وربنا إن شاء الله هيمدك وتأخذي أجر الصابرات”.