زوجة "شاكوش": عيب تتفق مع طليقي عليا

قالت ريم طارق، زوجة مطرب المهرجانات حسن شاكوش، إنها قامت بإجراء كل التحاليل اللازمة قبل الزواج من حسن شاكوش، موضحة أن هناك قضايا بينها وبين طليقها ولم يتم الفصل فيها.

كتبت “طارق” عبر خاصية القصص القصيرة على موقع الصور والفيديوهات “إنستجرام”: “أنا لحد دلوقتي ماتكلمتش ولا عبت ولا قولت إيه السبب علشان دي أعراض لكن تروح تتفق مع طليقي يطلع يتكلم وأنت عارف إني رافعة عليه قواضي ومخدتش حقوقي منه لحد دلوقتي، فاروحت تتفق معاه عيب عليك عيب تجيب واحد أبويا فاتح له مشروعه ومعايا كل وصلات الأمانة ومع كذلك محبستوش”.

أشارت: “أنا قبل ما اتجوزك عملت كل التحاليل اللي تثبت ده، شغل رخيص أوي يا حسن بتتحامى في واحد عبيط زي دا.. مصر كلها كانت عارفة إني متجوزة وعارفة ليه انفصلت بس أنت اللي حبيت تداري على الموضوع علشان البنات اللي كنت مواعدها بالجواز وقولتلهم أمي عايزة بنت تكون أول مرة تتجوز”.

في نفس السياق، علق مطرب المهرجانات حسن شاكوش، على الجدل الذي أثير في الساعات الماضية، على خلفية قيام زوجته ريم طارق، بتحرير بلاغا ضده اتهمته فيه بطردها من المنزل، وبسرقة ممتلكاتها وأموالها.

نشر “شاكوش” عبر حسابه الشخصي على موقع “إنستجرام” صورة له، وعلق عليها كاتبا: “مساء الفل عليكم جميعا.. يمكن القصة دايما ناقصة والبيوت فيها أسرار واحنا بنخاف على بنات الناس واتربينا على كده، وحق الرد بيقول إن دي لسه مراتي ميصحش أتكلم عنها حتى لو حصل ايه”.

تابع: “يمكن أهل بيتي وفريق عملي وأقرب الناس ليا أتاذوا من الحوار ده، بس بما إنها شاركت جمهوري بشئ جارح بالشكل ده، كل اللي أقدر اقوله الحمد لله على نعمة السكوت والعقل وقت المشكلة.. الحمد لله على كل شئ”.