بعد قرار هدم المدفن.. حفيدة محمد رفعت باكية: الناس بتتبارك بيه
كشفت هناء حسين، حفيدة الشيخ محمد رفعت، تفاصيل قرار هدم مقبرة الشيخ محمد رفعت وتسليم رفاته لأسرته.
قالت”حسين” خلال مداخلة هاتفية مع الإعلامية كريمة عوض في حلقة اليوم من برنامج “حديث القاهرة” المذاع عبر شاشة “القاهرة والناس”، إنها فوجئت بجواب وصل لابن عمها من محافظة القاهرة حول إزالة مقبرة الشيخ محمد رفعت ونقل الرفات على حسابهم الشخصي، موضحة: “من ساعتها وأنا في حالة إنهيار.. هل رموز مصر يتعمل فيها كده؟”.
نرشح لك: تفاصيل منع دخول فتيات محجبات من مطعم شهير
أضافت: “المدفن ده بيزوره ناس من أماكن بعيدة جدا، بيقعدوا ويتباركوا بالزيارة”.
أوضحت: “الشيخ رفعت مدفون في لحد معقول هيكسروا اللحد ده ويطلعوا الشيخ رفعت.. أنا أبويا مدفون في المدفن ده وأمي وأختي لكن أنا موجوعة على الشيخ رفعت”.
ناشدت الرئيس السيسي، أضافت باكية: “بناشد الريس أنا عارفة أنت قد إيه إنسان مؤمن وقريب من ربنا وأكيد بتحب الشيخ رفعت.. وصلوا صوتي للريس.. يارب يستجيب لي وميوجعش قلبي على مدفن الشيخ رفعت”.