أسامة منير: مش عيب الراجل يقول لمراته وحشتيني
قال الإعلامي أسامة منير، إن الحب أفعال وليس أقوال، موضحا أنه ليس عيبا أن يقول الرجل لزوجته كلمة “وحشتيني” أو “ربنا يخليكي ليا”، فلا يجب أن يشعر بالإحراج تجاهها.
أضاف “منير” خلال مقطع فيديو نشره عبر حسابه الرسمي على موقع الصور والفيديوهات “إنستجرام”: “مينفعش نقول إن الحب أقوال لا الحب أفعال، اللي بيعرف يقول كلمتين حلوين يقولهم، واللي مبيعرفش ميقولش، لكن المطلوب منه يقول للطرف التاني أنا بحبك لكن مبعرفش أقول الكلام المذوق سامحني”.
نرشح لك: نصائح أسامة منير لعلاقة حب ناجحة
أشار: “الطبطبة على الكتف فعل وحب على فكرة من أقوى كلمات الحب ربنا يخليكي ليا، وربنا يحفظك، ووحشتيني، مش عيب أبدا إنك تقول لمراتك وحشتيني، متتكسفش ومش عيب إنك تقولي لجوزك وحشتني متتكسفيش منه”
أوضح: “إحنا عندنا في حتة الأقوال دي أزمة شوية كبريائنا بيمنعنا، الراجل الشرقي رجولته تمنعه أنه يقول بحبك، يقولك إيه الكلام الفاضي ده، أنا مش بتاع المسخرة دي ويتخن صوته، لا يا عم ربنا خلقنا كده مش عيب لما تميل عليها كده وتقولها وحشتيني، الكلمة بتلطف مش بقولك تقولها شعر”.
View this post on Instagram
