حمزة العيلي عن "رسالة الإمام": الناس كانت متشوقة لعمل تاريخي

قال الفنان حمزة العيلي، إن مسلسل “رسالة الإمام” يعد خطوة عظيمة جدا لأن المسلسلات التاريخية غائبة عن الدراما منذ سنوات، والجمهور متشوق لها.

أضاف “العيلي” خلال لقائه في برنامج “من مصر” المذاع عبر شاشة “CBC“: “رسالة الإمام خطوة عظيمة جدا، لأن بقالنا سنوات طويلة جدا مفيش أعمال تاريخية والناس كانت متشوقة جدا تشوف عمل تاريخي بالضخامة والجمال والخرافية دي”.

نرشح لك: شاهد.. برومو فيلم “رهبه” لـ أحمد الفيشاوي

أشار: “كان شرف كبير جدا أن الناس يشبهوني بالأستاذ عبد الله غيث، قد إيه الرجل ده علامة، وأستاذ غسان مطر، هما الأساتذة وإحنا من نسل الأساتذة الكبار دول، وأنهم يشبهوني بيهم يبقى الحمد لله وصلت لمستوى في الأداء خلاه يشوف ده”.

أما عن مشاركته في مسلسل” الكبير أوي” الجزء السابع أوضح أنه يظهر من وقت لآخر كضيف شرف في مسلسل” الكبير أوي” ، مشيرا إلى أنه يحب الكوميديا جدا ولكنه يتعامل معاها بحذر، مضيفا: “مش كل الناس بتشوفني في الكوميدي لأنهم متعودين عليا كاركتر جد، أنا بحب أغير وأشخص طول الوقت”.

أضاف: “أدركت قد إيه أحمد مكي شغال من طبقة صعبة، وقدرة خارقة أنه يعمل 3 شخصيات مع بعض، ده موضوع صعب جدا.. مكي مش بس هو اللي عالي هو بيعلي كل اللي حواليه”.