أشرف زكي: بعض الفنانين نسوا فضل مصر عليهم
قال الفنان أشرف زكي، إن بعض الفنانين نسوا فضل مصر عليهم وأنكروه، وأصبحوا أدوات في يد أعداء مصر.
تابع “زكي” خلال لقائه مع الإعلامية رانيا هاشم في برنامج “بصراحة”، المذاع عبر شاشة “الحياة“: “أنا همي بالبلد أكبر من همي بالنقابة، وفي فنانين نسيوا فضل البلد عليهم.. عاوز أقولهم والله يابني أنت اللي عملك نجم كبير البلد دي، اللي أنت دلوقت هربان برة بتنال منها”.
نرشح لك: أشرف زكي: لا أوافق على استجداء الفنانين العمل على السوشيال ميديا
أضاف: “أنا قفلت الباب بينا وبينهم خلاص.. مفيش قنوات مفتوحة، لأن البلد زي أمك اللي كبرتك ورضعتك وبعد ما كبرت بقيت تقسوا عليها، ويا ريت بتقسوا عليها هنا لأ ده بيستخدموك كأداة”.
في سياق منفصل، أشاد الفنان أشرف زكي، نقيب المهن التمثيلية بموهبة ابنته مريم زكي، وذلك بعد مشاركتها في مسلسل “ستهم”، مع والدتها الفنانة روجينا، في موسم رمضان 2023.
أوضح زكي في مداخلة هاتفية ببرنامج “القاهرة اليوم” مع إدوارد، أن ابنته تحب التمثيل، وموهوبة فيه، ونجاحها أو فشلها رهن تقبل الجمهور لها، قائلا: “هي حابة التمثيل جدا.. محدش بيتدخل فيه، ده شغلها وموهبتها.. مفيش حد دربها، وأنا شايف ردود الأفعال جيدة جدا”.
تابع: “المهنة دي مفيهاش واسطة، والكويس هيثبت نفسه، وأنا شايف إن مريم بنتي موهوبة.. وإن شاء الله ربنا هيوفقها، وجات لي إشادات من ناس كتير زي هنيدي وغيره بأدائها”.