ويزو تحذر من صفحة فيسبوك تنتحل شخصيتها
ويزو
حذرت الفنانة ويزو، الجمهور من المنشورات المتداولة عبر صفحة على موقع “فيس بوك” تنتحل شخصيتها.
نشرت “ويزو” عبر حسابها الرسمي على موقع تبادل الصور والفيديوهات “إنستجرام” مجموعة من الصور للصفحة المزيفة، وعلقت: “صباح الفل عليكم يومكم كله سعادة وخير وبركة.. بالنسبة للصور اللي أنا مشيراها دي.. دي صور لصفحة منتحلة شخصيتى وبتتكلم على لساني”.
نرشح لك: تفاصيل مقتل سيدة وابنتها على يد جزار
تابعت: “وأنا ماليش علاقة بالصفحة دي أصلا ولا بالكلام اللي بيتنشر عليها وإن شاء الله هيتم اتخاذ الإجراءات اللازمة ومعاقبة منتحل شخصيتى قانونيا”.
أوضحت: “وأنا ماليش غير صفحة رسمية موثقة وعليها العلامة الزرقا اللي بنشر فيها كل مايخصنى”.
View this post on Instagram
في سيق منفصل، ذكرت الفنانة ويزو، أن مشاركتها في الجزء الثاني من مسلسل “رمضان كريم”، هي وزوجها شريف حسني لم تكن المرة الأولى التي تعمل بها مع زوجها.
أضافت “ويزو” خلال لقائها في برنامج “وشوشة”، المذاع عبر شاشة “النهار”، أن زوجها كان ممثلا منذ أن كان في الجامعة، لافتة إلى أنهم كانوا أصدقاء ولم يتوقعا أن يتزوجا، مشيرة إلى أنهم افترقا بعد الجامعة لمدة 10 سنوات، ومن ثم عادا مرة أخرى.
أشارت: “كان جان أوي في الجامعة ومهتم بنفسه، هو أتغير وبقى ملتزم، صاحبي ودماغي حلوة وفاهم طبيعة شغلي، وفي نفس الوقت إحنا الاتنين نفس البيئة والتربية والجامعة، كنت باصة لحتة أنه يتقي ربنا فيا.. بعد ما اتجوزت الدكتورة قالت لي مفيش حمل غير بعد سنتين تلاتة، مفيش شهرين وعرفت إني حامل”.
أوضحت: “أول ما عرفنا هو مكنش مصدق ولا أنا مصدقة وكانت فرحة عارمة، وأمي مصدقتش إلا لما راحت للدكتور، وشافت السونار، وخدنا بريك بعد ما خلفت إسماعيل تلت سنين”.
أردفت: “أنا حصل قدامي موقف ما، كنت كل يوم مع صحابي بنسهر فالموقف ده خسيت أن ربنا بيقول لي فوقي الحياة دي مش باقية لك، حد من صحابي وقع ودخل المستشفى، وكنا كل يوم مع بعض، فجأة في المستشفى مفيش حد حواليه، غير مراته وعياله، فتأثرت بالموقف، وفي نفس التوقيت ده شريف ظهر تاني في حياتي، وحسيت أن ربنا بيقولي لازم تعملي بيت وأسرة”.