مروة عبد المنعم باكية: محدش وقف جنبي بس ربنا كريم وعظيم
دخلت الفنانة مروة عبد المنعم في نوبة بكاء على الهواء مباشرة، بعد حديثها عن الأشخاص الذين تخلوا عنها في محنتها، وأثناء فترة ابتعادها عن الفن.
قالت “عبد المنعم” خلال لقائها في برنامج “قعدة ستات“، المذاع على شاشة “القاهرة اليوم” وتقدمه الإعلامية مروة صبري: “كنت لسه بقول لحور بنتي مش عارفة أنا صرفت عليكم طول السنين اللي فاتت دي ازاي؟ بس بتمشي، أنا واقفة جنب نفسي محدش وقف جنبي، طبعا بعد ربنا، ربنا ده عظيم وكريم، بقعد ساعات أقول أنا بصرف إزاي؟ يعني بتعدي السنة دي إزاي؟ ربنا، مفيش حد تاني خالص”.
استكملت: “أشرف زكي وقف معايا، إدوارد كان وقتها معايا، ومكنش كتير، ودول اللي كانوا واقفين معايا، ومش هقول مين أتخلى عني، وفي ناس استنيت إن هما يبقوا معايا، مش عايزة اتكلم في الحاجات دي لأنها مزعلاني أوي ومش عايزة أقول مين، ومكنوش صحابي أوي وعلى الأقل في بينا عشرة من الوسط الفني، ولما أقابلهم في لوكيشن بيقوليلي إيه الأخبار وبيسألوا عليا، وبقول الأسماء في الحاجة الكويسة”.
تابعت: “أشرف زكي وقف معايا جامد جدًا بصراحة، ومن أكتر الناس اللي وقفوا معايا، كنت متخيلة إن تامر حسني يسأل عليا، وخاصًة كان لسه في عمر وسلمى حصله موقف الجيش وروحتله مع إني لسه مكنتش صاحبته، والناس اللي بينا عشرة شغل فقط مسألوش عليا، إحنا مش عشرة خروج وفسح، بس تامر من الناس اللي قريبة مني، وأنا زعلت، ومبعتش رسالة ولا كلمني، أحمد صفوت من الناس اللي وقفوا معايا، وأحمد زاهر وقف معايا في حاجات كتير جدًا”.
تعليق شريف عامر على مداخلة عادل إمام في برنامج “يحدث في مصر”
يذكر أن برنامج “قعدة ستات” تقدمه الإعلامية مروة صبري على شاشة “القاهرة اليوم” السبت من كل أسبوع وتستضيف خلاله عددًا من نجوم الفن والمشاهير.