عايدة رياض: الجيل القديم قدم أعمال فنية ولم يصنع أموالا
قالت الفنانة عايدة رياض، إن الحيل القديم من الفنانين قدموا تاريخا فنيا كبيرا، ولكن لم يدخروا المال، موضحة أن الفنانة سامية جمال توفت ولم يكن لديها مال.
أضافت “رياض” خلال لقائها في برنامج “أسرار النجوم” مع إنجي علي، المذاع عبر إذاعة “نجوم إف إم”: “سامية جمال ماتت معندهاش حاجة خالص، بس الناس دول عملوا تاريخ فني ومعملوش فلوس.. يمكن جيلنا أحسن شوية في الفلوس.. وعملنا شغل وتاريخ حلو”.
نرشح لك: عايدة رياض: أخاف من المرض
أشارت: “الأغاني زمان كان في كلمات وليها معاني وكان فيها صدق يبدوا أن المؤلفين بتوع زمان كانوا بيحبوا وبيطلعوا كلام من جروحهم بجد.. وأنا صغيرة مكنتش بسمع أم كلثوم ولا الحاجات دي، لما نضج شوية ويقعد مع نفسه كده، يقول إيه الصوت ولا اللحن ولا الكلام ده”.
أوضحت: “كل حاجة مريت بيها في حياتي كان ليها بصمة في عملي، واتوظفت حاجات كتير أوي في حياتي، دي مثلا لما بابا كان عنده فشل كلوي وأنا صغيرة وكانت صدمات بالنسبة لي، أنا اتعلمت مين اللي وقف معاكي ومين اللي موقفش”.
أما عن تكريم المملكة العربية السعودية للموسيقار هاني شنودة والفنان محمد الموجي، قالت: “أنا سعيدة بالتكريمات لأنهم يستاهلوا، ودول بس هاني شنودة ومحمد الموجي، ده إحنا عندنا ثروة جامدة جدا، اتنين من العمالقة اللي اثروا الفن.. الفن والقوة الناعمة هي الرابطة القوية أقوى حاجة في الدنيا، إحنا تاريخ العالم من الغنى والأفلام”.