أحمد داود يكشف كيف اتجه للتمثيل
قال الفنان أحمد داود، إنه خريج كلية هندسة، بعد أن حصل على 93% في الثانوية العامة، مشيرا إلى أنه كان بطل الجمهورية في رياضة الكونج فو.
أضاف “داود” خلال لقائه في برنامج معكم منى الشاذلي المذاع عبر شاشة “cbc” وتقدمه الإعلامية منى الشاذلي: “وأنا في ثانوية عامة كان ليا قريبي في فرقة فنون جميلة أتيليه، كان عندهم إصرار غريب، العميد يمنع عنهم المسرح فيعملوه في الشارع، حببوني أوي في ولما دخلت هندسة عملت فريق مسرح”.
نرشح لك: عايدة رياض: الجيل القديم قدم أعمال فنية ولم يصنع أموالا
أشار :”أنا كنت حابب المسرح بس كان لازم أنا هعرف ولا لا، فعملت أول مسرحية وخدت جايزة تمثيل من الجامعة، فلقيت إني حابب وينفع، وساعتها كنت عارف إني عايز أبقى ممثل رحت لبابا قلت له عايز اسيب هندسة وأمثل، قال لي خلص هندسة وأعمل اللي أنت عايزه”.
أردف: “بدايتي الحقيقية كان فيلم (ولد وبنت) لحد ما وصلت (لسجن النسا) وده كان نقطة قبل غير بعد، (سجن النسا) خلاني راجل، والدور مجاش بسهولة أنا قعدت أعمل أوديشن كأني مشتغلتش عمري”.