محمود ياسين: والدي كان يرغب في أن أكون لاعب كرة
قال الفنان محمود ياسين جونيور، إن جده الفنان الراحل محمود ياسين شاهده وهو يمثل في مسلسل “الفتوة” ومسلسل “نصيبي وقسمتك”، وكان سعيدا جدا بأدائه، موضحا أن جده أخبره أنه سيكون أفضل منه.
أضاف “ياسين” خلال لقائه في برنامج “وشوشة” المذاع عبر شاشة “النهار“: “جدي الله يرحمه شافني وأنا بمثل وأتفرج على (الفتوة) وعلى (نصيبي وقسمتك)، وكان مبسوط جدا، وقال لي أنت هتبقى أحسن مني، طبعا أنا مصدقتش.. وهو لو أنا مش عاجبه هيقول لي”.
نرشح لك: عايدة رياض: مصر أساس الفن في الوطن العربي
أضاف: “أنا بحب التمثيل جدا من وأنا صغير، وكنت بلعب كورة وبدأت كورة وأنا 5 سنين، الكورة كانت دايما معايا لكن في دماغي التمثيل، يعني كنت بقول لأبويا أنا هلعب كورة لحد ما أوصل 30 سنة وبعد كده اعتزل وأكمل في التمثيل، ووالدي كان بيشجع إني ألعب كورة ومش حابب فكرة التمثيل تماما”.
أوضح: “لما خدت قرار إني أوقف كورة واتجه للتمثيل ده خد سنتين عشان أقنع أبويا بالموضوع ده، في الوقت ده لو في كاستينج لمسلسل كنت بنزل من وراه كده.. أنا بالنسبة لي عارف أن في حاجتين بس بعرف أعملهم الكورة والتمثيل لو معملتش الاتنين دول مش هعرف أعمل حاجة تاني”.