بعد مداخلة الزعيم.. عمرو أديب يدافع عن شريف عامر
مداخلة الزعيم
رد الإعلامي عمرو أديب على الانتقادات التي وجهت للإعلامي شريف عامر بسبب طريقه إدارته للمداخلة الهاتفية التي أجراها معه الفنان عادل إمام على الهواء بشكل مفاجئ. مداخلة الزعيم
أوضح أديب خلال برنامجه “الحكاية” على قناة mbc مصر، أن كثيرين تحدثوا عن الأمر واتهموا شريف بالتقصير، رغم أنهم غير محترفين في المجال، مضيفا: “في ناس كتير اتكلمت في الحكاية دي وهما مش متخصصين، بس أنا محترف فيها وأحب أدلي بدلوي، تحبني أو تكرهني بس أنا راجل محترف وشغال بقالي 25 سنة وهقول رأيي”.
نرشح لك: مسلسل ومسرحية.. مدحت العدل يكشف تفاصيل تعاونه مع شريهان
أضاف: المذيعين نوعين: في نوع بيحسب الأشياء بشكل دقيق، ونوع مبيحسبهاش، لا ده صح ولا ده غلط.. والمسألة حصلت صدفة بحتة لأن عرفت إن اللي كانوا عند عادل إمام قالوا له بنكلم شريف قالهم طب ادوني اكلمه”.
تابع: “أنا متكلمتش مع شريف بس أنا فاهم طريقة تفكيره، مكنش عاوز يضغط على الراجل وخاف يخليه يقول حاجة مش حلوة، مش مسألة إنه مش عارف يقول أسئلة زي البعض ما بيقول، ده إحنا نكر 20 سؤال لعادل إمام في ثانية”.
واصل أديب: “شريف كان مقدر إن الراجل داخل معاه يوم عيد ميلاده ومش عايز يضايقه.. لكن في مذيع تاني معندوش المشكلة دي وممكن يعصر المصدر.. مش عيب هو حر، لأن الشغل أنواع وكل واحد له طريقة.. وشغلتنا دي قايمة على جزء من الثانية، وفي الثانية دي شريف قرر يكون لطيف وظريف وإنسان”.