إبراهيم عيسى عن عناقيد الضياء : لماذا نقبل أوبريت هدية؟ - E3lam.Com
قال الإعلامي “إبراهيم عيسى”، أن أوبريتات التي تتحدث عن نصر حرب 6 أكتوبر، تكلفت أكثر من الحرب نفسها.
وأضاف عيسى، خلال حلقة اليوم من برنامج “مع إبراهيم عيسي”، المذاع علي قناة القاهرة والناس : لو جينا حسبنا بالورقة والقلم، هنلاقي الأوبريتات دي إتكلفت أكتر من الحرب نفسها، مفيش أغنية وطنية واحدة عليها القيمة،بإستثناء بشرة خير وتسلم الأيادي، وفي بداية الـ 18 يوم بالتحرير، جميع الأغاني كانت لعبد الحليم حافظ، ووقت إفتتاح قناة السويس الجديدة، كلها أغاني زمن عبد الناصر وحرب أكتوبر.
وأبدى عيسي، إستغرابه من إهداء الإمارات لأوبريت في الذكري الـ 42 لنصر أكتوبر، قائلاً : على عينا ورأسنا بس ليه في 6 أكتوبر ؟ وليه أنت تقبل ؟.
أنت في مصر يعني صانع الفن الحقيقي، وده ملوش علاقة بالعلاقات الإماراتية، الإمارات أكتر بلد بتحب مصر وواقفة معاها، بس بردو إيه علاقة ده الأوبريت وإحتفال مصر بحرب أكتوبر، ولا حتي فكرتوا تعملوا مسلسلات أو أفلام، سنة 75 كان فيه بتاع 5 أفلام عن حرب أكتوبر، وتقريباً كلهم كانوا للنجم محمود ياسين.