بعد تعرضه لحوادث متكررة.. كريم فهمي: بخاف من الحسد

كشف الفنان كريم فهمي عن تعرضه للحسد خلال الأيام الماضية، موضحا: “الحسد كلنا مجربينه، ومذكور في القرآن فهو موجود وطاقة، فطبيعي بخاف منه”.

قال “فهمي” خلال حواره في برنامج “ET بالعربي“، إنه أصيب بتمزق في يده أثناء تواجده في الجيم، موضحا: “جيت أبو ظبي بتمرن أول يوم في الجيم وفي آخر التمرينة سمعت صوت (تك) في إيدي جامد جدا.. بتمنى أن يكون تمزق.. إن شاء الله تعدي على خير”.

تابع أن ابنته ناعومي أيضا أصيبت بكسر في يدها وتم تجبيس يدها، كما أن مكتبه تعرض للسرقة، مضيفا: “في عربية عندي السواق خبطها.. والعربية راحت خالص”.

أوضح: “أنا مش قصدي ده شر.. كبني آدم في حاجة ربنا خلقها فينا أنك ممكن تبص بصه مش قصدك تحسد بيها بس بتحصل.. بنحاول نحصن نفسنا ونبعد قدر الإمكان عن اللي بيعرضنا لده”.

استكمل: “الحسد مذكور في القرآن.. فهو موجود وطاقة، فطبيعي بخاف منه.. فعلا لما بنزل صورة ليا أنا ودانيا لازم نتخانق ده طبيعي لازم يحصل.. في أنت مبتبقاش قاصد أنت ممكن تحسد نفسك”.

أكد أن كتابه “مملكة الموت” من المتوقع أن يتم تحويله لـ عمل درامي سواء كان فيلما أو مسلسلا، موضحا: “كنت بكتبه على أنه فيلم وبعد كده حولته لرواية كوميكس، فهو أساسه فيلم”.

وعن رأيه فى اتجاه الجمهور للقراءة، أوضح: “الكتاب عمره ما هينتهي أبدا، ولو مالوش قيمته مكناش شوفنا الزحمة وإقبال الناس على معرض الكتاب سواء في مصر أو أبو ظبي”.