حنان سليمان: الست متصدرة المشهد وعليها التراجع!
قالت الفنانة حنان سليمان، إنها ترى أن المرأة عليها أن تتراجع خطوتين للخلف، لأنها أصبحت متصدرة للمشهد، فأصبح هناك مشكلة.
تابعت “سليمان” خلال برنامج “أسرار النجوم“، مساء الخميس، المذاع عبر شاشة “نجوم إف إم”، مع إنجي علي: “أنا وجهة نظري دلوقتي، ممكن تتغير، بس دلوقت شايفة أن الست ممكن تتراجع خطوتين لورا.. هي متصدرة المشهد، ودا عامل مشكلة، تحسي أن الراجل خد القاضية، ودا مش عدل”.
أضافت أنها لا تحب دعوات المساواة مع الرجل، مردفة: “مش موافقة على المطالبات بالمساواة، لأن مفيش مساواة.. وليه مساواة؟ أنا قائم بذاتي أنا مهم، وهو قائم بذاته ومهم، وإحنا الاتنين مهمين لبعض وبنكمل بعض”. مشيرة إلى أنه لا يوجد رجل ناجح بدون امرأة وقفت بجواره تدعمه وهيأت له وضع النجاح، متابعة: “ودي مهمة كبيرة، أنتي اللي بتصنعي نجاحه.. مهمة الست كبيرة جدا، مش بالضرورة تكون هي اللي على الشاشة.. دي وجهة نظري وبعتذر لو ضايقت حد”.
لفتت إلى أنها لا تطالب بالمساواة لأنها تشعر بقيمتها وأن المرأة كبيرة. مضيفة: “هتساوى بإيه؟ هو يا حرام من غيري تعبان.. دا أنا مهمة جدا، ليه حاسة إني قليلة؟!”. مشيرة إلى أنها تشعر بأن الرجل هُزم لأنه دخل منافسة غير شريفة مع المرأة.
أردفت: “الست عندها إمكانيات أوسع، قدرتها على التحمل والاستيعاب والصبر، والراجل معندوش خلق ومرارة.. فبتقدر تنجح، لما نزلوا معترك الحياة والشغل هما نجحوا أكتر.. الست اتورطت، ورطت نفسها توريطة جامدة معرفش حلها إيه؟”.
أوضحت أنها تتمنى تقديم عمل عن المرأة يوضح أهمية المرأة، ويعلمها معرفة موقعها. وترى أن السيدة موقعها في الحياة مهم جدا.
