مخرج "الصفارة" يوضح سبب حذف بعض المشاهد من المسلسل

كشف المخرج علاء إسماعيل، عن سبب حذف بعض المشاهد من مسلسل “الصفارة” الذي عرض في السباق الرمضاني الماضي.

قال “إسماعيل” خلال لقائه في برنامج “مساء dmc” مع الإعلامي رامي رضوان المذاع عبر شاشة “dmc”: “إحنا كنا بنحاول نقلل وقت المشاهد عشان إيقاع الحلقة وكان في حيرة لأن المشاهد كلها بتضحك، ومش منا عايزين نعمل كوميديا لمجرد الكوميديا وخلاص، لا إحنا منا عايزين نقول حاجة ونأكد على فكرة، مش نوصل رسالة، وآخر حلقة أغلبها مكنتش ضحك”.

نرشح لك: لأول مرة.. عرض مشهد محذوف من مسلسل “الصفارة”

من جانبه قال الفنان أحمد أمين: “أنا كنت حاسس أن شفيق لما يروح العالم هو فيه يبقى متغير مش هو بطبيعته، لأنه تأثر كمغني شعبي، المخرج كان عنده وجه نظر تانية وقال لي لا أنا مش عايز الناس تتلغبط عايزك تفضل كده، قولت له العالم كله هيتغير حواليه وهو هيفضل نفس الكاركتير، وممكن طمع الممثل يبقى مش في مصلحة المشروع”.

فيما قال الفنان طه دسوقي: “فكرة إننا ماشيين ورا الحدوتة مش الكوميديا دي كانت خادمة العمل كله، المسلسل فيه مساحة هزار كتير ممكن تستفزنا نروح وراها، لكن عجبني بعد المونتاج أن الحذف كان في خدمة الحدوتة”.

مسلسل “الصفارة” من بطولة أحمد أمين وطه دسوقي وحاتم صلاح وآية سماحة، كتابة سارة هجرس وشريف عبد الفتاح وعبد الرحمن جاويش، إخراج علاء إسماعيل.

يتكون مسلسل “الصفارة” من 15 حلقة، ويدور حول فؤاد الذي يعمل مرشدا سياحيا ويكره ما وصلت إليه حياته، ويسرق من أحد سكان سيوة قطعة أثرية فرعونية (صفارة الملك توت) والتي تعيد من يستخدمها 3 دقائق من ماضيه ليغير فيها ما يشاء، ليدخل في رحلة لتغيير ماضيه والوصول إلى كل أحلامه.