مدير أعمال شيرين يعتذر عن إدارة أعمالها

أعلن إيهاب صالح، مدير أعمال الفنانة شيرين عبد الوهاب، اعتذاره عن إدارة أعمالها.

كتب “صالح” عبر حسابه الشخصي على موقع “تويتر“: “جمهور شيرين العظيم، الحمد لله على نجاح حفل جدة كما كان متوقع وده العادي بتاع شيري في أي حفلة.. أجلت الإعلان بالقرار ده لحد بعد الحفلة وحابب أشكركم جدا على كم الدعم الرهيب في خلال الفترة اللى فاتت ليها في المقام الأول وطبعا بعد كدة ليا. قررنا إن من الأفضل لينا إن نحط صداقتنا والعشرة قبل أي حاجة وإني أبتعد عن إدارة أعمالها وده أكيد لمصلحة الطرفين ولنا أسبابنا”.

نرشح لك: خالد يوسف عن خلافه مع راجح داوود: أنا المسئول عن العمل

تابع: “مبروك وشكرا يا شيري من كل قلبي ويا رب أكون كنت على قد وعدي وكلمتي ليكي إني دايما في ضهرك والحمد لله الدنيا دارت من أول وجديد وتكسري الدنيا حفلة بعد حفلة وخلاص أهو الألبوم على أبواب ومتأكد إنه هينجح نجاح غير عادي. فرحان بشكل ملوش وصف بنجاحك ورجوعك بالقوي دي وده اللي اتعودنا عليه منك طول السنين دي. أنا كدة كدة دايما موجود زي مانتي عارفة وربنا يديم كل اللى بينا على خير وأسف لو في أي لحظة كنت قصرت معاكي بأي شكل”.

أضاف: “أحب اشكر كمان جمهورك اكيد إللي مشوفتش منها غير كل خير وحب ،شكرا بجد من كل قلبي.. طبعا وأكيد شكر كبير لسيادة المستشار تركي آل الشيخ (أبو ناصر) على كم الدعم الكبير منه، بمجرد إنه شاف صورة رجوعك للاستوديو و قد إيه كان مهتم بشيرين ومقدر قيمتك وتقديرك بشكل يليق بيكي صوت إحساس العرب وده مش غريب عليه ودايما في ضهر كل الفنانين العرب كدة كدة. دي شهادة حق لازم تتقال”.

اختتم بيانه: “ربنا دايما يحبب فيكي خلقه ويبعد عنك أي شر بكل أشكاله ويكتبلك السعادة، أتمنى التوفيق لمديرين الأعمال الجايين وادعمهم دايما بأي شكل أكيد عشان تفضلي دايما على القمة”.

في سياق منفصل، طرحت شركة حديد عز مؤخرا إعلانها الجديد لموسم رمضان 2023، وهو أغنية جديدة للفنانة شيرين عبد الوهاب.
الأغنية من كلمات أمير طعيمة، وألحان وتوزيع أحمد إبراهيم، وإنتاج سعدي جوهر.

في سياق منفصل، قضت المحكمة الاقتصادية مؤخرا بإلزام الفنانة شيرين عبدالوهاب بدفع مبلغ مالى قدره 5 مليون جنيه، لصالح شركة روتانا لعدم التزامها ببنود العقد المبرم بينهما.

واتهمت شركة “روتانا” الفنانة شيرين عبد الوهاب، بعدم التزامها ببنود تعاقدها معها، وطالبتها بسداد تعويض مالي قدره 10 ملايين جنيه، مما أدى إلى نشوب خلاف وأزمة كبيرة بينهما.

إيهاب صالح رئيسية سعدي جوهر شيرين عبد الوهاب مدير أعمال شيرين مدير أعمال شيرين عبد الوهاب