شيرين ترد على جدل تصريح "أنا صوت مصر"
ردت الفنانة شيرين على الجدل الذي أثير مؤخرا حول تصريحها في برنامج “Carpool Karaoke بالعربي”، بأنها صوت مصر.
قالت “شيرين” خلال حوارها في برنامج “ET بالعربي”: “كلنا أصوات مصر اللي هي أصوات العرب، وكل واحد فينا شايل اسم بلده على كتفه لما بيكون في أي مكان، فمصر أكبر من أن هي يكون ليها صوت واحد، كلنا أصواتها.
نرشح لك: قصة الخطوبة المزيفة لحورية فرغلي.. تورطت فيها ريهام سعيد
وعن هجوم جمهور أنغام عليها بسبب هذا التصريح، أوضحت: “أنا مقولتش أي حاجة خالص.. والرد اللي أنا قولته دلوقتي، هو ردي”.
View this post on Instagram
وفي سياق منفصل، أعلن إيهاب صالح، مدير أعمال الفنانة شيرين عبد الوهاب، خلال الساعات الماضية اعتذاره عن إدارة أعمالها.
كتب “صالح” عبر حسابه الشخصي على موقع “تويتر“: “جمهور شيرين العظيم، الحمد لله على نجاح حفل جدة كما كان متوقع وده العادي بتاع شيري في أي حفلة.. أجلت الإعلان بالقرار ده لحد بعد الحفلة وحابب أشكركم جدا على كم الدعم الرهيب في خلال الفترة اللى فاتت ليها في المقام الأول وطبعا بعد كدة ليا. قررنا إن من الأفضل لينا إن نحط صداقتنا والعشرة قبل أي حاجة وإني أبتعد عن إدارة أعمالها وده أكيد لمصلحة الطرفين ولنا أسبابنا”.
تابع: “مبروك وشكرا يا شيري من كل قلبي ويا رب أكون كنت على قد وعدي وكلمتي ليكي إني دايما في ضهرك والحمد لله الدنيا دارت من أول وجديد وتكسري الدنيا حفلة بعد حفلة وخلاص أهو الألبوم على أبواب ومتأكد إنه هينجح نجاح غير عادي. فرحان بشكل ملوش وصف بنجاحك ورجوعك بالقوي دي وده اللي اتعودنا عليه منك طول السنين دي. أنا كدة كدة دايما موجود زي مانتي عارفة وربنا يديم كل اللى بينا على خير وأسف لو في أي لحظة كنت قصرت معاكي بأي شكل”.
أضاف: “أحب اشكر كمان جمهورك اكيد إللي مشوفتش منها غير كل خير وحب ،شكرا بجد من كل قلبي.. طبعا وأكيد شكر كبير لسيادة المستشار تركي آل الشيخ (أبو ناصر) على كم الدعم الكبير منه، بمجرد إنه شاف صورة رجوعك للاستوديو و قد إيه كان مهتم بشيرين ومقدر قيمتك وتقديرك بشكل يليق بيكي صوت إحساس العرب وده مش غريب عليه ودايما في ضهر كل الفنانين العرب كدة كدة. دي شهادة حق لازم تتقال”.
اختتم بيانه: “ربنا دايما يحبب فيكي خلقه ويبعد عنك أي شر بكل أشكاله ويكتبلك السعادة، أتمنى التوفيق لمديرين الأعمال الجايين وادعمهم دايما بأي شكل أكيد عشان تفضلي دايما على القمة”.