خالد الجندي: الصكوك أفضل من ذبح الأضاحي في البيوت

قال الشيخ خالد الجندي، إن حكم الأضحية يتراوح ما بين الوجوب عند الأحناف والمالكية، والندب عند الشافعية والحنابلة، موضحا أن الحنابلة انفردوا بقولهم إنه يكره للقادر عليها إلا يقوم بها.

أضاف “الجندي” خلال حلقة اليوم من برنامج “لعلهم يفقهون” المذاع عبر شاشة “dmc”: “وعلى ذلك قال الجمهور إنها مندوبة أي مستحبة، طالما مستحبة ملكش عندنا حاجة وده الأرجح أمر مندوب محصلتش مفيش مشكلة، ربنا سبحانه وتعالى جعلها للقادرين، مفيش فيها أزمة”.

نرشح لك: رد عمرو الورداني على سيدة قاطعت أشقائها بسبب إيذائهم لها

أشار: “لقيت المشايخ بتقولك خرجوها فلوس، الكلام ده غلط، تقول ما أنت أبحت الصك، لكن الصك مش فلوس أنت عملت حاجة اسمها الوكالة، ما هي لو فلوس كنا هنقولك حط في الصندوق ده وأمشي ومنوعدكش بحاجة”.

أردف: “وزارة الأوقاف بتقولك هات تمن الأضحية وخد مكانها صك، مش بتقولك هنوزع فلوس بتقول هندبح بالنيابة عنك، ووزارة الأوقاف عندها مجازر معتمدة وأطباء بيطريين ورقابة وآلية توزيع مش متوفرة عند أي حد، شغلانة معقدة جدا، وبيصلوها للفقراء وأعتقد أن ده اللي أنت كنت ناوي عليه وده الأفضل”.