هشام عاشور عن زوجته نيللي كريم: فنانة عظيمة

كشف الفنان هشام عاشور عن كواليس مشاركته وتحضيره لمسلسل “عملة نادرة”، مشيرا: “قعدت شهرين أو تلاتة مبتكلمش غير صعيدي ولحد دلوقت مش عارف أطلع”.

قال “عاشور” خلال حواره في حلقة اليوم من برنامج “عيش صباحك” المذاع عبر إذاعة “نجوم إف إم”، إنه لم يقدم مشاهد مع نيللي كريم في المسلسل، موضحا: “نيللي عظيمة.. كلمة عظيم دي بتيجي من أن بقالك سنين كتيرة بتأثر في الناس بجد، فنان حقيقي، ونيللي عادلة جدا.. فالطريقة اللي بتشوفني فيها في الشغل وكممثل بتبسطني جدا”.

أضاف أنه يأخذ رأيها في جميع الأدوار التي تُعرض عليه، لأنها خبرة في هذا المجال ولديها رؤية فنية خاصة.

تابع: “الناس بتحس أن أنا فعلا صعيدي، وأنا في الأوتيل يقولي بس أنت مش من الأقصر أنت من أسيوط، فأنا عشت القصة ودخلتها.. وقعدت شهرين أو تلاتة مبتكلمش غير صعيدي ولحد دلوقت مش عارف أطلع”.

استكمل: “اللي بيبسطني إني أحس إني قادر أأثر في الناس بالإيجاب.. وأطلع الطاقة بتاعتي في التمثيل، وفي نفس الوقت أقدر أن أنا أضحك أو أعيط أو أعمل أكشن، لسبب عشان خاطر أأثر في حد.. وعشان هو في الآخر يستفيد حاجة”.

وعن رأيه في السوشيال ميديا، أضاف: “لو مكنتش عايز أوصل لحاجات كبيرة أوي في التمثيل.. مكنتش هبقى على السوشيال ميديا، لأن السوشيال ميديا مجرد منصة بتوري إمكانياتك يمكن حد يشوف..أنا مش بحط صورة ولا فيديو عشان حد يقول ده جميل أو لذيذ أوي ده مش هدفي خالص، ولا يفرق معايا الكلام ده”

مسلسل “عملة نادرة” من بطولة الفنانة نيللي كريم والفنانة جومانا مراد، والفنان جمال سليمان والفنان أحمد عيد، والفنان محمد لطفي، والفنانة فريدة سيف النصر، والفنانة مريم الخشت، ومن إخراج ماندو العدل، وتأليف مدحت العدل، وإنتاج العدل جروب، ويتكون المسلسل من 30 حلقة.