عبير منير تكشف شرطها للزواج من أسامة أنور عكاشة

قالت الفنانة عبير منير، إنها كانت متخوفة من. فكرة الزواج، وكانت تخشى تلاشي الحب بينها وبين الراحل أسامة أنور عكاشة بسبب الزواج، موضحة أنه كان يقول إن الحب الحقيقي ينتهي.

أضافت “منير” خلال لقائها في برنامج “أسرار النجوم” المذاع عبر راديو “نجوم إف إم” وتقدمه الإعلامية إنجي علي: “سألته قبل ما يمشي بسنة ونص، ليه دايما فكرك ما إحنا اتجوزنا وسعدا مع بعض، قال لي هينتهي لأني همشي واسيبك”.

نرشح لك: يوري مرقدي: أجريت مساكنة قبل الزواج.. وبنتي تجريها الآن

أشارت: “لما قال لي على الجواز قولت له سيبني فترة مكنتش عايزة أتجوز قعد يزن ويلح على الموضوع ده، وبعدين خدنا خطوة الجواز، قولت له أنا عندي شرط أن الورقة دي ميبقاش ليها قيمة في حياتنا، خلي الحب هو اللي يبقى له قيمة من إننا نبقى متجوزين، أنت هتقول أنا عايز كذا هديلك أكتر من اللي تطلبه، وأنا نفس الحكاية”

أوضحت: “لما كان بيتعصب كنت بلزم الصمت لدرجة لما كان بيجي يزعق لي كنت بقوله خدني في حضنك وزعق لي عشان أبقى محمية فيك.. وهو كان مهتم بأولاده أوي، وبيحب أحفاده أوي، وعلاقتي بيهم كويسة أوي، دول ولاد أسامة حتة منه لازم أحبهم، ده امتداد حبي لأسامة فيهم”.

أردفت: “أسامة كان مقتنع بموهبتي وقال لي، وكتب لي دور معلمة في مسمط إسكندرنية من أصل يوناني، في فكر مش أي دور وخلاص.. وكان في حاجات كتير مبيبقاش راضي عنها، ومفيش حاجة عملتها ممكن يقولي عملتي كده ليه، لا في شغلي ولا حياتي، أنا عايشة كأن أسامة عايش معايا”.