محمد فراج يشيد بدعم زوجته: أهم شخص في حياتي
تحدث الفنان محمد فراج عن تعاونه مع زوجته الفنانة بسنت شوقي، مؤكدا على أنها تمثل شخصا مهما في حياته.
قال “فراج” خلال لقائه ببرنامج “it’s show time” إنهما عملا سويا في مسلسل “سابع جار”، ومسلسل “قابيل”، ومسلسل إذاعي “كمال اصطناعي”، ومؤخرا يشاركا في فيلم “أهل الكهف”.
نرشح لك: الإعلان التشويقي لفيلم “ڤوي ڤوي ڤوي” لـ محمد فراج
أردف: “بسنت مجتهدة أكتر مني، أنا شفت بعيني ده، خدت ورش تمثيل كتير وطريقة شغلها، من أول لما فكرت في التمثيل لغاية دلوقتي حتى طريقة نقدها للعمل، هي حد مهم جدا في حياتي، وآرائها بالنسبة لي مهمة، مش عشان بس مراتي لكن عشان اللي بتقوله بيحصل”.
أما عن رأي الجمهور في أعماله فقال إنه يتحدث مع الناس في الشارع ولا يكتفي بمواقع التواصل فقط، مردفا: “أنا بتكلم مع الناس، وبقرأ تعليقات من شرائح مختلفة، وكفاية رد الفعل اللحظي على الهوا اللي بشوفه في الشارع مش متحضر له، فيه ناس كتير ممكن تكتب تعليقات مزيفة ومدفوع لها”.