مونيا: أنا مش ضد تعدد الزوجات ووافقت جوزي يتجوز عليا
كشفت الفنانة مونيا، بطلة مسلسل عائلة الحاج متولي، إنها ليست ضد مبدأ تعدد الزوجات، مشيرة إلى أنها بالفعل سمحت لزوجها السابق بالزواج عليها.
وقالت “مونيا” خلال لقائها مع الإعلامية مروة صبري ببرنامجها “قعدة ستات” المذاع على شاشة “القاهرة اليوم”: هو حر عايز يتجوز هو حر، وأنا مش ضد تعدد الزوجات دي بتبقى وجهات نظر وربنا محللك 4.
نرشح لك: مونيا: زوجي كان منتج “عائلة الحاج متولي” ولم يفرضني على نور الشريف
واستكملت مونيا حديثها: أنا وافقت جوزي يتجوز عليا بعد 9 سنين جواز، ومراته الجديدة هي اللي موافقتش، ومطلبتش الطلاق، ولكن انفصلنا بعد ما عرفت أنه اتجوز من ورايا وكان في بيبي جاي في الطريق من مراته الجديدة، ولما حصل زعلت زي أي ست هتزعل، وجاتلي صورة ابنه على الواتساب ورحت قولت له مع ألف سلامة، وأنا أتغيرت كنت باخد الصدمة الأول وبعدين أفوق والعياط عندي خلص وأحلى حب في الحياة حب الله.
برنامج “قعدة ستات” تقدمه الإعلامية مروة صبري على شاشة “القاهرة اليوم” يوم السبت من كل أسبوع، وتستضيف خلاله نجوم الفن والمجتمع .
