عزم 500 على السينما.. قصة مدرس فيزياء مع طلاب الثانوية العامة

قال حسين كامل، مدرس فيزياء، إنه يقدم فيديوهات ترفيهية على تطبيق “تيك توك”، موضحا أنها تنال إعجاب الطلاب وفي نفس الوقت لا تتعارض مع الدراسة.

أضاف “كامل” خلال لقائه في برنامج “يحدث في مصر” مع الإعلامي شريف عامر المذاع عبر شاشة “mbc مصر”: “الأولاد في السن ده في شوية حاجات كده بيحبوا يعملوها فقولت نقرب منهم شوية ونكسر حاجز الرهبة ده، وده لا يتعارض مع شغلنا..أنا بقالي 12 سنة بدرس ومتخرج من كلية هندسة بالجامعة الألمانية، ودرست في الجامعة الألمانية والأمريكية، بس لقيت الشغف يزقني ناحية التدريس، أنا بحب التدريس”.

نرشح لك: أبرز الفائزين والخاسرين في أولى حلقات برنامج “الفرصة”

أشار: “أنا عزمت 500 طالب على السينما بس ساعتها محسبتهاش أوي قولت إيه اللي ممكن يبسطهم ويفرحهم ويخلينا نفصل كلنا، ده المكان اللي كان في دماغي، أنا شغال في أكتر من مكان وكلهم حضروا، ودي حاجة فرحتني جدا أنهم كانوا عايزين يبقوا معايا في حتة برا المدرسة”.

 

أوضح: “أنا فاكر وأنا صغير لو شوفت مدرس في مطعم ممكن أهرب، لأن كان في رهبة بيني وبينه.. أنا بدرس للطلاب في أكتر من مدرسة غير الدورس الخصوصية، إحنا اعتمادنا الرئيسي على الشغل في المدارس”.

تابع: “أنا مكنتش مخطط إني أبدا على السوشيال ميديا الموضوع جه كده، وعملنا تيك توك مع بعض وبدأ يبقى ترند ويجيب ملايين مشاهدات، أيا كان الطريقة اللي بخليه يحضر بيها ويهتم وميزوغش، يبقى ربنا يكرمنا ونكمل”.

أردف: “أنا خاطب لكن خطيبتي متفهمة وعارفة أنا بعمل إيه، وأن ده سغلي وحبي للولاد والبنات اللي بدرس لهم، وقد ايه ببقى خايف عليهم، مش موضوع شغل ومرتب، أنا معاهم طول الوقت”.

MBC مصر تيك توك حسين كامل رئيسية شريف عامر قصة مدرس فيزياء مع تلاميذه مدرس فيزياء يحدث في مصر