بسبب الخيانة.. رضوى الشربيني تعجز عن الرد على مشكلة سيدة

عجزت الإعلامية رضوى الشربيني، عن الرد على سؤال إحدى السيدات، والتي تسأل هل تستمر مع زوجها بعد خيانته لها، بعدما ندم وطلب السماح وطلق السيدة الأخرى، مؤكدة أنها لم تواجه في بداية الأمر ولكنها تغافلت وغيرت من مظهرها وشخصيتها، حتى رغب في العودة إليها مرة أخرى.

قالت “الشربيني” خلال برنامج “هي وبس” المذاع عبر شاشة “cbc سفرة”، إن الرجل الخائن أبشع الرجال، وأنه من الصعب أن تستطيع سيدة الضغط على أعصابها ونفسها شهور، دون أن تواجه الرجل الذي يخونها، موضحة: “وتخرج تشوف الناس وهي عارفة أن جوزها بيخونها مع واحدة تانية والناس عارفين وسامعين وشايفين وأنا بخرج وبحط عيني في عين الناس دي حاجة صعبة جدا”.

نرشح لك: رضوى الشربيني: فيديو “بلوك بلوك” غير حياتي

تابعت: “الراجل الخاين راجل مالوش أمان واللي يعمل حاجة مرة يعملها عشرة، ولكن صعب أوي أنه يكون رجع وندم وعيط وبكى، وبعدين أنا أقوله يلا مع السلامة مش هديك فرصة تانية، خصوصا لو كانت أول مرة، بس أنا كمان مقدرش أكمل مع حد خاني، حد شافني نص واحدة، نص بني أدم، وبشوف أن الراجل الخاين ده أبشع الرجال”.

أوضحت: “بشوف أن الراجل الخاين أبشع الرجال، وأن طبع الخيانة ده أوحش من البخل والتلفظ بكلمة مش كويسة ومد إيد، لأن الراجل لو قال لفظ مش كويس أو ضرب، بتبقى وليد اللحظة، لكن الخيانة في تخطيط وغدر وكذب وتفكير، وعارف إني بألم اللي قدامي”.

اختتمت: “أنا مش عارفة وبعتذر مش وحش أن نطلع على الهواء ونقول مش عارفين، بس أنا قولت هسمع الناس رسالتك، وكل اللي أنصحك به أنك تصلي استخارة وتسألي ربك اللي خلقك، أكيد هيبقى عنده إجابة أكتر من رضوى الشربيني وأكتر من الكل”.