أقسمت إذا خانها زوجها فهي طالق.. عمرو الورداني يرد

عمرو الورداني

ورد سؤال للشيخ عمرو الورداني، أمين الفتوى بدار الإفتاء المصرية، تقول صاحبته: “جوزي بيكلم ست تانية، قولت له متكلمش الست دي عشان مش كويسة، كلمها مرة واتنين وتلاتة، حلفت على المصحف لو كلمها تاني أبقى طالق أنا مضايقة إني حلفت على المصحف والموضوع تكرر هل أنا هشيل ذنب”.

قال “الورداني” خلال حلقة اليوم من برنامج “ولا تعسروا” المذاع عبر شاشة” الأولى المصرية”: “أنتي ماشية في الطريق الغلط، دي مش طريقة حل للمشكلة، أقعدي معاه واعرفي هو بيعمل كده ليه، ومش معنى كده أن اللي عمله ده صالح، لا ده عمل فاسد”.

نرشح لك: محمد أبو بكر يروي قصة رجل ذهب للحج بكلمة “إن شاء اللَّه”

أشار: “أنتي زعلانة عشان حلفتي على المصحف والحلفان ده بقى يمين غاموس، أنتي بتفتشي في التليفون، الله يسامح حضرتك، وبتسيبي أصل المشكلة وتمسكي في الفرع أنه بيكلم واحدة ست، أصل المشكلة أن علاقتكم محتاجة تعود للاتزان والتوافق.. ومسألة أن الطلاق وقع ولا موقعوش مقدرش أجاوب فيها لازم هو يتواصل معانا عشان نقدر نجاوب عليها”.

أردف: “اتكلمي معاه قولي له لو سمحت عرفني في إيه؟ كلمني كصديقة إيه الحكاية، أنا عارف أن الأمر ممكن يكون صعب عليكي، بس واضح أن الحاجة بتتكر وإحنا معرفناش السبب، هو هيقولك الأسباب اللي بتدعوه لهذا الأمر، هو مشي ورا هواه اللي ضله”.