تعليق سيد عبد الحفيظ على تصرف المشجع الزملكاوي في المغرب
علق سيد عبد الحفيظ، مدير الكرة بالنادي الأهلي على تصرف المشجع الزملكاوي الذي سافر من ألمانيا إلى المغرب لتشجيع الوداد في نهائي دوري أبطال أفريقيا والذي فاز به الأهلي أمس للمرة الـ 11 في تاريخه، بعد التعادل 1-1 في مباراة الإياب، والفوز 2-1 في مباراة الذهاب.
قال “عبد الحفيظ” خلال مداخلة هاتفية في برنامج “على مسئوليتي” المذاع على شاشة صدى البلد ويقدمه الإعلامي أحمد موسى: “هو تصرف فردي مشبوه وفكر مشوه، يعني أنت قاطع المسافة دي كلها علشان تشجع فرقة أنت مش بتشجعها أصلا، علشان تشجع فرقة ضد الفرقة اللي هي من بلدك، ده إيه كمية الصفار اللي جواك دي؟!”.
نرشح لك: مي سلامة أول رائدة أعمال مصرية تدخل قائمة 40 OVER 40
تابع: “كان بيسأل على اسم مصطفى شوبير، ومصطفى لابس التيشيرت بالمقلوب ومكتوب عليه اسمه وماسك الميدالية فمعروف، فأنا بهزار قولتله ده اسمه زهير المترجي لأن هو أول ما نزل كان بينادي باسم زهير المترجي اللي جاب فينا جول السنة اللي فاتت”.