حسن شحاتة: محمد صلاح نجم النجوم
حسن شحاتة
قال حسن شحاتة، المدير الفني الأسبق لمنتخب مصر، إن اللاعب محمد صلاح حقق نجاحا كبيرا واستطاع أن يصل إلى مكانة عالية، واصفا إياه بأنه “نجم النجوم”.
أَضاف “شحاتة” خلال حواره مع الإعلامي معتز الدمرداش في برنامج “ضيفي ” المذاع عبر قناة “الشرق للأخبار”، أن كان هناك إدعاءات حول هجومه على محمد صلاح، مؤكدا أن هذا الكلام عارِ تماما من الصحة.
نرشح لك: شذى حسون: فقدت 20 كيلو من وزني بالصيام المتقطع
تابع: “هو نجم النجوم، الناس إزاي بتحبه وبتشجعه وأنت كمان بتشجعه، في وقت من الأوقات قالوا إني بهاجمه وهو بالنسبة لينا نجم النجوم، أن هو يبقى في ليفربول ومعروف بره أكتر ما هو معروف في مصر.. ووصل لمكانة عالية جدا، ولا بخل على نفسه وعلى أهله ولا على أي حد، وبالتالي ربنا بيديله”.
وعن تأثير وجود محمد صلاح في منتخب مصر، أكد أن المنتخب لا يقوم على لاعب واحد، موضحا: “مينفعش نقول صلاح حطه مع أي حد يكسب، لازم يبقى في لاعيبة سنيدة يكونوا بيساعدوه في لعبه وأدائه وفاهمينه وهو فاهمهم”.
أوضح: “المدرب اللي بيجي سواء أجنبي أو مصري لازم يكون عامل حسابه على كده.. مش صلاح هو اللي يعمله كل حاجة، وهو اللي هيجيب الأجوان وهيبقى مساعد للاعيبة”.
استكمل: “هو كمان عايز يلعب ويأدي ويهدف ويعمل حاجات كتيرة، إن مكنتش تجيب له اللاعيبة اللي تساعده أن هو يقوم بالدور الكبير ده مش هيبقي في صلاح”.