"متزعلش".. أحدث أغاني مسلم
طرح المطرب مسلم، على اليوتيوب وجميع المنصات الرقمية ومحطات الراديو أغنيته الجديدة “متزعلش” وهي الأغنية الخامسة، من ألبومه الجديد، والأغنية تجربة فنية جديدة.
يتناول مسلم، من خلال الأغنية فكرة خوف الشخص من الارتباط، والدخول في علاقة حب جديدة، بعد ابتعاده لفترة طويلة، نتيجة تجارب صادمة أثرت عليه، وتأتي هذه الأغنية استكمالا لقصص الأغاني السابقة التي قدمها مسلم، بداية بأغنية “قلب في الدفاتر” وهي درامية حزينة، تعبر عن نهاية قصة حب، مليئة بالغدر والخداع، ثم بعدها أغنية “صعبان عليك” والتي يحكي فيها عن سيطرته على مشاعره، وشفائه من جرحه، وأغنية “هنتقابل” التي وضع فيها حدود فاصلة بينه وبين حبيبه السابق.
أغنية “متزعلش” كلمات، وألحان مسلم، وتوزيع موسيقى على الدين قمر، ميكس وماستر نور عباس، وهى من توزيع شركة ديجيتال ساوند.
وتقول كلمات “متزعلش”:
بقيت أخاف ألمس حاجه أكسرها وبقيت لما أتوجع من شئ
أضمه في حضني وأبكيله وأقوله خلاصانا خفيت
متزعلش وجع هيروح.. وانا والله مش مجروح
ومش مستاهله يعني دموع .. الحزن دا مني ماخترتوش
نقسم كل شئ بينا.. إلا الفراق خليه
لو حزني كان منك .. ف قلبي اولى بيك
في يوم هنتوه انا وانت .. وهيبقى بينا كتير
ومش هنسى لو كلمة.. انا عند وعدي ليك
يعز عليا أسيبه يروح .. دا أصعب من فراق الروح
انا مسامح ولو مظلوم .. لكن ميغيبش عني في يوم
كل واحد يروح ف طريق .. و نبعد اد ما نبعد
بنكدب واحنا مش حاسين .. بإن هروبنا دا بيتعب
ودا الحل اللي كان أسهل .. لا بيداوي ولا يريح
وكان فين قلبي من قلبك .. انا مشتاق اكيد زيك
نقسم كل شئ بينا .. إلا الفراق خليه
لو حزني كان منك .. ف قلبي اولى بيك
ف يوم هنتوه انا و انت .. وهيبقى بينا كتير
و مش هنسى لو كلمه .. انا عند وعدي ليك
متزعلش وجع هيروح .. و انا والله مش مجروح
و مش مستاهله يعني دموع .. الحزن دا مني ماخترتوش