استمع.. أغنية "حنفية الجدعنة" لـ طارق الشيخ
طرح المطرب الشعبي طارق الشيخ، أحدث أغانيه بعنوان “حنفية الجدعنة” على موقع الفيديوهات يوتيوب.
أغنية “حنفية الجدعنة” من كلمات حازم اكس وألحان إبراهيم أردني وتوزيع فلسطيني وصولو حماده فتوح وميكس وماستر فلسطيني.
نرشح لك: استمع.. أغنية “الدنيا ايه” لـ ويجز
وجاءت كلمات الأغنية كالتالي:
هنفارق كل اللي فارقنا
روح لو مش عاجبك طريقتنا
إحنا مشينا وشوفنا طريقنا
بيكو من غيركوا
مسا مسا ونسينا الي ناسينا
متجوش تاني تتلزقوا فينا
لما غرقتوا أنا كنت سفينة جت لحقتكوا
حنفية الجدعنة عطلانة من قلة السلكان
دي الحسبة جت بخسارة والخير مطمرش في الأندال
الطيبة خيبة وجهل لازم تخون قبل ما تتخان
ده مشوار التقدير الخطوة فيه بتساوي فدان
(مفيش مقارنة)
الأصلي أصلي خد جمب أصلي ثابت مكاني
(مفيش مقارنة)
ميزت نفسي بفضل ربي اللي علاني
(مفيش مقارنة)
الهيبة وراثة لا مش دراسة مهما تحاول
(مفيش مقارنة)
صدقني صعبة عمرك في يوم ما هتشغل بالي
علي مبدئي من يوم منشأي
أنا زيي مفيش مش هتلاقي
واحد بس ومالي مركزي
اسمي لاغيكوا
ميزان الجدعنة يشهد ليا
طوب الارض بيحلف بيا
قلبي أبيض فدان حنية
رجولة بالكيلو
يا دنيا الفقر حشمة
فنفسي أبقى قليل الذوق
ولاد الحرام فهموها
لعبوها صح وقبوا لفوق
الدنيا دي أكبر مسرح لو أنت غلبان ملكش دور
هنا اللي شموا نفسهم داسوا على اللي أداهم طوق
(مفيش مقارنة)
إحنا في عصر الطيبة غباوة
آخر السلكان عيش وحلاوة
ملكمش أمان يا ولاد آدم
على كل لون
مع نفسي بقيت أنا متعود
لو شوفتكوا صدفة لازم أحود
ما خلاص خلصت عنكم هبعد
بناقص منكو
كفاية
من النهارده سلام يا حب ده كان زمان
أنا فوقت خلاص لنفسي
عشان تشوفني تاخد معاد
قضيتها بنية صافية
عملوا عليا عروض في مزاد
معقولة فرطتوا فيا محصول العشرة طرح أوجاع
(مفيش مقارنة)
الأصلي أصلي خد جمب أصلي ثابت مكاني
(مفيش مقارنة)
ميزت نفسي بفضل ربي اللي علاني
(مفيش مقارنة)
الهيبة وراثة لا مش دراسة مهما تحاول
(مفيش مقارنة)
صدقني صعبة عمرك في يوم ما هتشغل بالي
(مفيش مقارنة)
انتهى مؤخرا طارق الشيخ من تسجيل دويتو غنائي جديد مع المطرب وسام هلال، يحمل اسم “حد سكة” وهو من كلمات إبراهيم محمد، وألحان إسلام عاطف، وتسجيل صوتي مودي منير، ومن المقرر أن يتم طرحه خلال الأيام القليلة المقبلة على اليوتيوب.
كما طرح مؤخرًا طارق الشيخ دعاء جديدًا يحمل اسم “اللهم أجبرني” فى شهر رمضان الماضي، ويقول “اللهم إني أعوذ بك من اليأس ونفاد الصبر، واملأ قلبنا إيمانًا بك وتكالى عليك، وارضنا بما كتبته لنا، وكن معنا وأغنينا بك”.
يذكر أن آخر أعمال طارق أغنية تحمل اسم “أنا الهيرو” من كلمات إبراهيم الشناوي وألحان خالد سلطان وتوزيع أشرف البرنس، وكان أيضا طرح مغني البوب وسام هلال أغنيته المُصوّرة الجديدة بعنوان “My Number One”، وهي باللغة الإنجليزية ومن نمط موسيقى البوب مع مزيج من النغمات الشرقية.