رضوى الشربيني: لازم يكون في عقوبة لنشر شيء خاص بحياة الآخر
علقت الإعلامية رضوى الشربيني، على واقعة نشر فيديو رقص الفتاة صاحبة الفستان الأزرق، مطالبة بفرض قوانين تجرم نشر أي شيء عن الحياة الشخصية لأشخاص آخرين.
قالت “الشربيني” خلال برنامج “هي وبس“: “أي حد بقى ممكن يصور أي حاجة في أي مكان وينشره في المكان اللي يحبه تحت مسمى الحرية الشخصية، هتقولولي مينفعش تدافعي عن واحدة بترقص؟ أنا مش بتكلم على الرقص أنا بتكلم على الموقف، وأنا بطالب المسئولين عن رقابة الإنترنت إن لازم يبقى في عقوبة لأي بني آدم ينشر أي حاجة تخص الحياة الشخصية لشخص تاني”.
نرشح لك: لم يمنعوا سفر مدربها.. تعليق اتحاد تنس الطاولة على أزمة هنا جودة
أضافت: “هي حرة من حقها تعمل اللي هي عاوزاه.. عندها ربنا يحاسبها، الموضوع بتاع الشير ده بقى سبب خراب بيوت وتهديد وسمعة سيئة لناس كتير.. ده إفتراء على خلق الله”.
أردفت: “برجو المسيئولين وأي حد بيسمعني.. أرجوكم عاوزين رقابة على فكرة إن حد ينشر حاجة تخص الحياة الشخصية لحد تاني، الموضوع مستفز أوي”.
View this post on Instagram
في نفس السياق، كشفت ياسمين، صاحبة واقعة فيديو الرقص بالفستان الأزرق، تفاصيل الفيديو المنتشر لها على السوشيال ميديا وتقدم محاميها ببلاغ للنائب العام.
قالت “ياسمين” خلال مداخلة هاتفية مع الإعلامية بسمة وهبة في برنامج “90 دقيقة”، المذاع عبر شاشة المحور، إنها طالبة جامعية في عامها الدراسي الأخير بكلية الآداب جامعة المنصورة وليست متزوجة، وانتشار هذا الفيديو لها جعلها تفكر في عدم دخول الامتحانات لأكثر من مرة.
أضافت: “مش مسامحة أي شخص تنمر عليا، حسبي الله ونعم الوكيل في الشخص اللي نزل الفيديو والناس اللي استعملته بشكل خاطئ واتكلموا عني بالباطل وطلعوا عليا إشاعات”.
أردفت: “أنا بقيت مكسوفة أنزل أمشي في الشارع من كتر الكلام والتعليقات السخيفة وبقيت مكتئبة، من كتر الكومنتات اللي بتيجي من ناس الله أعلم بيهم هما بيعملوا ايه في حياتهم”.