محمود ياسين "جونيور": جدي كان بيتهاجم على الموضة
محمود ياسين
كشف الفنان الشاب محمود ياسين “جونيور” عن رأيه في ظاهرة القميص الشفاف والموضة الجديدة التي اجتاحت الوسط الفني مؤخرا، قائلًا إن الفنانين يرتدونه بقصد الاختلاف، ولفت إلى أن جده الفنان الراحل محمود ياسين كان يواجه انتقادات أيضًا على ارتدائه ملابس مناسبة للموضة.
أضاف “ياسمين” في حوار له مع قناة “رؤيا مصر”: “انا بشوف إن الجمهور لما بيحب شخص بيبقى عايزه يبقى شبهه ولما بيشوفه بيعمل حاجة مختلفة بيتضايق”.
نرشح لك: كواليس تصوير تامر حسني مشاهده مع الأسد في فيلم “تاج”
وأشار إلى أن بعض الفنانين يتعمدون ذلك أحيانا بغرض الاختلاف قائلا: “في فنانين وأنا ممكن أحتاج لده بيبقى عاوز يعمل ستايل لنفسه لأن الشخصية اللي بتطلع بيها دي في حفلة مثلا مش شخصيتك الحقيقية لكن بتكون مواكبة للحالة وساعات مبيفرقش معاهم دة إيجابي ولا سلبي لكن أنا بيفرق معايا ويهمني الناس متتضايقش ومتفهم الآراء السلبية لحاجة زي دي”.
وأكد محمود ياسين جونيور أيضا أن انتقادات الجمهور لموضة الفنانين المختلفة واجهها في السبعينات جده الفنان الكبير الراحل محمود ياسين قائلا: “أنا جدي في السبعينات كان بيلبس الموضة ساعتها وكانت الأجيال الأكبر منه مستغربة ده وبيقولوا إيه السوالف والقمصان والبنطلونات دي وكل فترة ليها الستايل بتاعها وبرضه هتلاقي ناس بتنتقدها ودة بيحصل دلوقتي لما بلبس شبه جيلي هتلاقي جيل أكبر مني بينتقدني”.
وعن ظهوره مؤخرا مع النجم عمرو دياب بقميص شفاف مشابه لقميص الهضبة قال: “الموضوع جه صدفة ودي حاجة تبسطني أني لابس زيه لكن بحترم انتقادات الناس وبتفبلها ولو حسيت اني لابس أو قلت حاجة معجبتش الجمهور بكون حريص مكررهاش تاني”.